Hanenty ty anatiny ao

Ho amy fizarà anatiny any

Ho amy loha hevitsy any

Vavolombelo Jehovah

Vezo

Hahay Raha Maro ze Mianatsy Baiboly

 FIANARA FAHA-72

Tamy Jesosy Mbo Nikely

Tamy Jesosy Mbo Nikely

Nipetraky ta Nazareta any ry Josefa noho Maria, miaraky amy Jesosy noho zainy rey. Nandrafitsy Josefa mba hamelomany ty fianakaviany. Nampianariny mikasiky ani-Jehovah noho ty Lalànany koa ty fianakaviany. Nandeha tsy tampaky amy synagoga any rozy, sady namonjy Paska a Jerosalema any santao.

Tamy Jesosy 12 tao, le nandeha a Jerosalema any manahaky santao rey rozy trano raiky. Maro biby ty olo namonjy Paska ta Jerosalema tany. Lafa vita fety iny, le noly Josefa noho Maria. Ataon-drozy ho anaty olo maro miaraky amin-drozy rey koa Jesosy. Fe lafa nila azy tamy longon-drozy rey rozy, le tsy nahita azy.

Nimpoly a Jerosalema any ndraiky Josefa noho Maria. Nila ani-anakilahin-drozy iny avao rozy tanatini-telo andro. Farany nandeha amy tempoly any rozy. Nihitan-drozy tao Jesosy, mipetraky anivoni-mpampianatsy rey eo, mijanjy an-drozy soa sady mametraky fanontanea. Nitseriky mpampianatsy rey, ka nametrahan-drozy  fanontanea maro Jesosy. Vomaiky nahatseriky an-drozy ty valin-teniny. Nihitan-drozy fa nahay soa ty Lalànani-Jehovah ie.

Fa niasa loha marè ry Josefa noho Maria. Nivola Maria hoe: ‘Taia avao, aka, iha io? Zahay nila anao mbaombao!’ Le hoy Jesosy: ‘Tsy nihainareo kay fa tsy maintsy ho tan-tranoni-Babako atoa aho?’

Niaraky noly amy babany noho reniny a Nazareta any Jesosy. Nampianarini-Josefa nandrafitsy ie. Mety ho nanao akory hoasanao Jesosy zao, tamin’ie mbo nikely? Lafa nihabe Jesosy, le nihanahihitsy sady nahazo hatò tamy Jehovah noho nitean’olo.

“Ty hanao ty sitraponao lahy Ndranahary ro teako. Sady anatiko atoa ty lalànanao.”—Salamo 40:8