Hanenty ty anatiny ao

Ho amy fizarà anatiny any

Ho amy loha hevitsy any

Vavolombelo Jehovah

Vezo

Hahay Raha Maro ze Mianatsy Baiboly

 FIANARA FAHA-2

Namoro ty Lahilahy Noho ty Ampela Voalohany Ndranahary

Namoro ty Lahilahy Noho ty Ampela Voalohany Ndranahary

Namboatsy zariday soasoa ta Edena tao Jehovah. Niatsiky folera noho hazo sankarazany ty tao, le nisy biby sankarazany koa. Nangalaky bontany amy zay ie, le namboatsy ty lahilahy voalohany. Bakeo nitsofiny ty tan’orony ao, le nivelo ie. Hainao hoe ia ty anarany? Adama. Nivolanini-Jehovah amy zay ie mba hikarakara ani-zariday iny noho hanome anara ze biby ao.

Nivola raha bevata tamy Adama Jehovah. Hoy ty asany: ‘Azonao hany iaby ty voankazo iaby atoa laha tsy raiky toy avao. Fa laha haninao ’o, le ho maty iha.’

Nivola ho zao Jehovah tafara atoy: ‘Hamboatsy mpanampy ho ani-Adama aho.’ Nataony azon-droro marè amy zay Adama, bakeo nangalany raiky ty taolan-tahezany, le namboarany valy ho azy. Eva ty anarany. Adama noho Eva ty mpivaly voalohany. Nanao  akory Adama lafa nahazo valy? Nifalifaly biby ie, le nivola ho zao: ‘Henteo raha namboarini-Jehovah baka amy taolan-tahezako toy! Ela ty ela, zay vo misy olo manahaky ahy!’

Nivolanini-Jehovah rozy hoe miteraha, le fenò tany toy. Teany ho sambatsy rozy. Teany koa laha miaraky miasa rozy mba hanova tany toy iaby ho paradisa, zany hoe zariday soasoa manahaky ani-Edena. Fe tsy zay ty niseho. Nisy ino lahy e? Zay ty hianarantsika amy toko manaraky ao.

“Ze namoro ty olo, le nanao azy ho lahilahy noho ampela, tamy voalohany tany.”—Matio 19:4