Hanenty ty anatiny ao

Ho amy fizarà anatiny any

Ho amy loha hevitsy any

Vavolombelo Jehovah

Vezo

Ia ro Manao ty Raha Tea Jehovah Henanizao?

 Fianara 2

Manino Zahay ro Kaihy hoe Vavolombelo Jehovah?

Manino Zahay ro Kaihy hoe Vavolombelo Jehovah?

Noa

Abrahama noho Saraha

Mosesy

Jesosy Kristy

Maro ty mieritseretsy fa fivavaha vaovao ty Vavolombelo Jehovah. Fe fa misy 2 700 tao lasa zay, ro nikaiha Ndranahary marina iny ty olo manompo azy hoe ‘Vavolombelony.’ (Isaia 43:10-12) Mpianatsy Baiboly ro nahaiza anay taloha ty 1931. Manino zahay ro kaihy hoe Vavolombelo Jehovah henanizao?

Io ro ahaiza hoe ia ro Ndranahary ivavahanay. Hita Tamy soratsy nisoraty tana taloha tany, fa mipolimpoly inarivony amy Baiboly ao ty anara Ndranahary hoe Jehovah. Fe lafa nadika ty Baiboly, le maro ro nanova anara io hoe Ndranahary na Tompo. Nivola tamy Mosesy mikasiky anarany hoe Jehovah io Ndranahary. Ho zao ty safany: ‘Io avao ty anarako zisiky farany.’ (Eksodosy 3:15) Nampiasany anara io soa tsy hampitovy azy amy Ndranahary diso. Falifaly zahay manday anara Ndranahary io.

Io ro ahaiza ty asa naniraha anay. Nanomboky tamy Abela, le fa nisy vavolombelo maro nampiseho fa mino Jehovah. Tanaty ty taonjato maro, le nisy ‘vavolombelo maro manahaky raho’ io. Tafilitsy amy olo reo ry Noa, Abrahama, Saraha, Mosesy, Davida noho ty olo hafa koa. (Hebreo 11:4–12:1) Mitovy amy vavolombelo amy tiribinaly any, miaro olo raiky tsy nanao raha raty, le ho zay koa zahay, ambaranay avao ty raha marina mikasiky Ndranahary.

Io ro ahaiza hoe mpanoridia Jesosy zahay. Kaihy ty Baiboly hoe ‘vavolombelo azo atokisa noho marina’ ie. (Apokalypsy 3:14) Jesosy mihitsy ro fa nivola fa ‘nambarany taminolo ty anara Ndranahary’ noho ‘nambarany koa ty marina’ mikasiky azy. (Jaona 17:6; 18:37) Mila manambara ty anara Jehovah aminolo koa ty mpanoridia Kristy. Manao raha zay ty Vavolombelo Jehovah.

  • Nanino ty Mpianatsy Baiboly ro nikaihy hoe Vavolombelo Jehovah?

  • Nanomboky nombia Jehovah ro nana Vavolombelo tan-tany etoy?

  • Ia ty be amy Vavolombelo Jehovah reo?