Hanenty ty anatiny ao

Ho amy fizarà anatiny any

Ho amy loha hevitsy any

Vavolombelo Jehovah

Vezo

Ia ro Manao ty Raha Tea Jehovah Henanizao?

 Fianara 13

Ino Mpisava Lala Zao?

Ino Mpisava Lala Zao?

Kanada

Mamonjy olo an-trano

Fianara Baiboly

Mianatsy raiky

Midika hoe olo mahita tany vaovao noho manokatsy lala horihy ty hafa ty safà hoe “mpisava lala.” Sahala mpisava lala Jesosy, nalefa tan-tany etoy ie hanao fanompoa noho hanokatsy lala hahazoa famonjea. (Matio 20:28) Manahaky zay koa ty mpanoridia azy henanizao manoka fotoa maro ‘hanaova mpianatsy.’ (Matio 28:19, 20) Misy koa ty manao mpisava lala.

Mandany ty fotoany iaby hitoria ty mpisava lala. Mitory vaovao soa ty Vavolombelo Jehovah iaby. Fe misy ty mandamy ty fotoany, soa ho afaky manao mpisava lala maharitsy. Mandany 70 lera itoria rozy anaty ty vola raiky. Mba hahavita raha zay le maraindray na hariva avao rozy ro manao asa fiveloma. Ao koa ty voafily hanao mpisava lala manoka amy faritany mila mpitory. Mandany 130 lera hanompoa rozy anaty ty vola raiky. Tsy manasarotsy fiaina mpisava lala reo. Atokisan-drozy fa hanome ty raha ilan-drozy Jehovah. (Matio 6:31-33; 1 Timoty 6:6-8) Afaky manao mpisava lala mpanampy, ze tsy afaky manao mpisava lala manoka na maharitsy. Mandany 30 na 50 lera hitoria ty mpisava lala mpanampy anaty ty vola raiky.

Tea olo noho tea Ndranahary ty mpisava lala. Manahaky Jesosy, le hainay koa fa mahaferinay ty olo satria tsy mahay Ndranahary noho ty raha teany hatao. (Marka 6:34) Afaky manampy an-drozy hitamà raha soa manomboky henanizao noho lafa afara any zahay. Tea olo ty mpisava lala, le zay ro mahavy an-drozy mandany fotoa noho hery hanampea ty olo hahay mikasiky vaovao soa io. (Matio 22:39; 1 Tesalonianina 2:8) Mahavy ty mpisava lala hana finoa matanjaky noho hifandramby soa amy Ndranahary voho ho falifaly avao raha zay.—Asan’ny Apostoly 20:35.

  • Manao akory ty fahaizanao mpisava lala zao?

  • Ino ro mahavy ty ilany hanao mpisava lala maharitsy na manoka?