Hanenty ty anatiny ao

Ho amy fizarà anatiny any

Ho amy loha hevitsy any

Vavolombelo Jehovah

Vezo

Ia ro Manao ty Raha Tea Jehovah Henanizao?

 Fianara 21

Ino Betela Zao?

Ino Betela Zao?

Sampan’asa fanamboara sary a Etazonia

Alemaina

Kenya

Kolombia

‘Trano Ndranahary’ ty dika hoe Betela amy safà Hebreo. (Genesisy 28:17, 19, fanamariha ambany pejy) Misy trano be maromaro naory ty Vavolombelo Jehovah amy tany toy iaby. Natao hitariha ty asa fitoria trano reo, Betela ro ikaiha azy. Miasa amy foibe a New York, Etazonia ao ty Filan-kevi-pitantana. Ao rozy ro manenty ty fandeha ty asa anovy birao ty sampana amy tanymaro. Fianakaviany Betela ro ikaiha ty olo iaby miasa amy Betela ao. Manahaky olo trano raiky io avao rozy, miaraky miasa, miaraky mihina, miaraky mianatsy Baiboly noho mifankatea.—Salamo 133:1.

Ao ro ipetraha ty fianakavia mazoto miasa. Misy Kristiana mazoto manompo noho manoriky ty sitrapo Ndranahary amy Betela kiraidraiky any. (Matio 6:33) Tsy karamà rozy fa amea trano ipetraha, hany noho drala kelikely anampea azy amy ty raha ilany. Samby mana ty asany ty olo kiraidraiky amy Betela ao, misy miasa amy birao, miketsiky, miasa amy fanamboara boky, mamafa trano, manasa siky, manamboatsy ty raha simba noho manao asa hafa koa.

Ao ro anaova asa maro hampandehana soa ty asa fitoria. Ty hahavy olo maro hahay ty raha marina amy Baiboly ao ro raha kendrè ty Betela. Ohatsy raiky amy zay bokikely toy. Ty Filan-kevi-pitantana ro niandraikitsy ty fanorata raha toy. Bakeo alefan-drozy amy ekipa mpandika teny an-jatony maro an-tany eto. Lafa vita dika, le alefa amy Betela mana fanamboara boky any, zay vo alefa amy fiangona 110 000 mahery. Misy asa maro atao zay vo mahavita boky. Samby miasa mafy iaby ty fianakaviany Betela soa hampandeha soa ty asa fitoria. Asa ilà farany ze malaky asa io.—Marka 13:10.

  • Ia ro miasa amy Betela ao? Manao akory ro anomeza ze raha ilà ty olo ao?

  • Ino ty asa mila atao farany ze malaky amy Betela kiraidraiky?