Hanenty ty anatiny ao

Ho amy fizarà anatiny any

Ho amy loha hevitsy any

Vavolombelo Jehovah

Vezo

Ia ro Manao ty Raha Tea Jehovah Henanizao?

 Fianara 4

Manino Zahay ro Nampiboaky Baiboly Fandikan-tenin’ny Tontolo Vaovao?

Manino Zahay ro Nampiboaky Baiboly Fandikan-tenin’ny Tontolo Vaovao?

Congo (Kinshasa)

Rwanda

Angozy malemy ahità anara Ndranahary amy Salamo 69:31, tamy taonjato fahatelo na fahaefatsy.

Nampiasa noho nanamboatsy voho nizara Baiboly tamy fivolana samby karazany ty Vavolombelo Jehovah tanaty ty tao maromaro. Fe nihitanay fa mila adika vaovao ndraiky raha io. Natao raha zay soa hanampy ty olo ‘hahay soa ty raha marina’ satria tea Ndranahary ty olo iaby hanahaky zay. (1 Timoty 2:3, 4) Tamy 1950 ro nanomboky naboaky ty tampany amy Baiboly, Fandikan-tenin’ny Tontolo Vaovao. Tsy misy diso noho mazava soa ty nandikà raha io, amy fivolana 130 mahery.

Nilà ty Baiboly mampiasa fivolana mazava soa. Miovaova ty safà ampiasa ty olo, lafa mandeha ty fotoa. Maro amy ty Baiboly ro nadika tamy fivolana tsy mazava soa aminolo na safà fa ela tsy misy mampiasa loatsy. Lafa nihita ty Baiboly nisorata tana mitovy amy azy marina soa tamy voalohany any iny, le nanjary mazava soa ty raha tea ty Baiboly hovolany amy safà hebreo, aramianina noho grika.

Nilà ty fandikà Baiboly tsy miala amy safà Ndranahary. Mila tsy miala na tsy manova ty hevitsy nisoraty baka amy voalohany any, ty mpandika Baiboly. Fe maro amy ty Baiboly nadika ro fa tsy ahità sasy ty anara Ndranahary hoe Jehovah.

Nilà ty Baiboly manome voninahitsy Ndranahary. (2 Samoela 23:2) Manahaky Baiboly nisoraty tana tamy voalohany hitantsika amy ohatsy ambany eo io, le hita im-7000 eo ho eo amy Fandikan-tenin’ny Tontolo Vaovao ao koa ty anara Ndranahary hoe Jehovah. (Salamo 83:18) Nandiniky noho nikaroky soa tanaty ty tao maro ty olo nandika raha io. Soasoa ty mamaky azy satria mazava soa noho tsy miala amy ty hevitsy Ndranahary ze raha voasoratsy ao. Ndra mana Fandikan-tenin’ny Tontolo Vaovao amy ty fivolananao iha ndra tsy mana, le mampirisiky anao avao zahay ho tea mamaky Baiboly sanandro.—Josoa 1:8; Salamo 1:2, 3.

  • Nanino ro nampolinay nadika ndraiky ty Baiboly?

  • Mila manao ino iha sanandro laha ta hianatsy mikasiky ty raha tea Ndranahary hatao?