Hanenty ty anatiny ao

Ho amy fizarà anatiny any

Ho amy loha hevitsy any

Vavolombelo Jehovah

Vezo

Ia ro Manao ty Raha Tea Jehovah Henanizao?

 Fianara 24

Manao Akory ty Hampandeha Soa ty Asa Ataonay?

Manao Akory ty Hampandeha Soa ty Asa Ataonay?

Népal

Togo

Grande-Bretagne

Mampiboaky sady mizara Baiboly noho boky mifototsy amy Baiboly an-jatony tapitrisa san-tao ty fandamina misy anay. Tsy mitaky drala zahay lafa mizara raha reo. Manamboatsy noho mikarakara ty simba amy Efitrano Fanjakà noho birao amy sampana ao zahay. Manampy Betelita noho misionera anarivony koa zahay, noho manampy olo tratsy ty loza. Mety hanontany iha hoe, ‘baka aia iaby ty drala anaova raha reo?’

Tsy mitaky drala na ampahafolon-karena na mitanty rakitsy zahay. Tsy mangataky drala zahay ndre drala be aza ty lany amy asa fitoria. Nivola ty gazety Ny Tilikambo Fiambenana lahara faharoe, fa ho zato tao lasa zay fa Jehovah ro manampy anay, ‘tsy hangataky na hisoloho aminolo hanampy anay mihitsy zahay.’ Tsy nataonay vatany raha zay!—Matio 10:8.

Tohana amy fanomeza ze foim-po ty asanay. Maro ty olo tea ty fampianara Baiboly ataonay ka manampy anay. Falifaly manome ty fotoany, heriny, dralany noho ty raha hafa hanaova sitrapo Ndranahary ty Vavolombelo Jehovah. (1 Tantara 29:9) Misy boaty fanaova fanomeza amy Efitrano Fanjakà noho Efitrano Fivoriambe ao, ka afaky mandatsaky drala ao ze ta hanome. Azo atao koa ty manao fanomeza amy alala ty tranonkalanay jw.org. Baka aminolo tsy manan-drala loatsy ty maro amy fanomeza azo. Manahaky njarahy maty valy nivolany Jesosy iny rozy, mahantra ie, fe mbo nanome drala maliniky roe tamy tempoly tao avao. (Lioka 21:1-4) Midika raha zay fa afaky ‘manoka drala’ hataony fanomeza ty olo kiraidraiky fe ‘ze foimpony’ avao.—1 Korintianina 16:2; 2 Korintianina 9:7.

Atokisanay fa hampirisiky ty olo ‘hanome voninahitsy azy amy ty hananany’ Jehovah soa hampandehana ty asa mikasiky Fanjakany satria zay ty sitrapony.—Ohabolana 3:9.

  • Ino ty maha samby hafa ty fandamina misy anay amy ty fivavaha hafa?

  • Manao akory ty ampiasa ze fanomeza niazo?