Hanenty ty anatiny ao

Ho amy fizarà anatiny any

Ho amy loha hevitsy any

Vavolombelo Jehovah

Vezo

“Mijanòna amy Fitiava Ndranahary Ao”

 FANAZAVÀ FANAMPINY

Ty Raha Baka amy Laron-dio Fototsy rey Noho ty Tekniky Fandrasà

Ty Raha Baka amy Laron-dio Fototsy rey Noho ty Tekniky Fandrasà

Raha baka amy laron-dio fototsy. Raha efatsy retoa ro atao hoe laron-dio fototsy: liomena, liofoty, plakety, plasma. Samby misy raha hafa koa ty anaty raha reo kiraidraiky. Misy hemoglobiny, ohatsy, ty amy liomena ao. Ampiasà mba hitsaboa olo tsy ampy lio vatany, na trobo lio marè, ty fanafody sisany misy hemoglobiny baka amin’olo na baka amy biby.

Rano avao ty ankamaroa ty plasma. Misy hôrmôny maro biby koa ty anaty raha io ao, misy sira mineraly, albiminy, raha mahavelo, raha mahamandriky lio, voho raha mialy amy arety. Laha misy olo voan’arety raiky, na atahora ho voany, le mety hopikirà dokotera iny gammaglobuline, fanafody misy raha baka amy plasman’olo mana hery fiarova. Fa ty liofoty, mety ho azo angalà raha hitsaboa kansera na arety sisany azo baka amy virisy.

Tokony haneky karaza fitsaboa na fanafody misy raha baka amy laron-dio va ty Kristiana? Anjara ty kiraidraiky ty  mampiasa ty feo ty fieritseretany lafa hanapa-kevitsy, satria tsy misy fitsipiky amy an-tsipiriany ty amy Baiboly ao. Mety tsy haneky any zay ty sisany, satria mieritseritsy hoe tokony ‘haily amy tany’ ty lio alà amy rahamananay, volany amy lalàna namea ty Israely. (Deoteronomia 12:22-24) Kanefa mety hisy sisany haneky, satria mieritseritsy hoe fa tsy mifanandrify amy ty ay sasy ty raha baka amy ty laron-dio fototsy.

Diniho fanontanea retoa lafa hanapa-kevitsy mikasiky any zay: Haiko soa va fa laha tsy ekèko ze kila raha baka amy ty laron-dio fototsy, le midika raha zay fa tsy ekèko koa ty fanafody sisany mialy amin’arety, na ty fanafody mahamandriky lio, mba tsy ho maro marè ty lio miala? Ho haiko va ty hanazava amy dokotera hoe manino aho ro maneky na tsy maneky raha raiky na maromaro baka amy laron-dio fototsy?

Tekniky fandrasà. Anatiny zay ty fanampoha ty lio noho ty fampihenà lio miala. Amy fanampoha lio zao, le avio hiala amy ty vata tse ty lio, le soloa ranoranon-draha, bakeo ampoly aminy avao. Fa ty amy fampihenà lio miala, le alà ze lio miala lafa am-pandrasà eo, diovy noho tazòna, le bakeo ampoly anaty vatan’olo marary iny ao ndraiky. Samby mana ty fampiasàny raha reo ty dokotera, ka tokony hanontanea ty Kristiana soa ze mitsabo azy.

 Eritsereto zao lafa hanapa-kevitsy mikasiky any zay iha: ‘Laha misy avio miala amy ty vatako ty lioko, le vasa hijano kelikely mihintsy ty fandehanany, mbo haneky avao va ty feo ty fieritseretako fa mbo anaty ty vatako avao lio zay, ka tsy voatery ‘haily amy tany’? (Deoteronomia 12:23, 24) Hania ahy va ty feo ty fieritseretako, laha afahy ty lioko lafa rasà aho, le asia fanafody, bakeo ampoly amy vatako ao ndraiky? Haiko soa va fa laha tsy maneky ty fitsaboa iaby hampiasà ty  lioko aho, le midika raha zay fa tsy haneky halà lio aho ndre hanaova analizy aza, sady tsy haneky hatao dializy, na hampiasà masìny solo ty fo noho ty havokavoky?’

Ty Kristiana kiraidraiky ro hanapa-kevitsy amy ze hampiasàny ty liony lafa misy fandrasà. Mety hangalà kelikely koa ty lion’olo raiky mba hanaova analizy na amy fitsaboa, le vasa asia fanafody, bakeo ampiliry aminy ao ndraiky. Anjara ty kiraidraiky ty manapa-kevitsy amy zay.