Hanenty ty anatiny ao

Ho amy fizarà anatiny any

Ho amy loha hevitsy any

Vavolombelo Jehovah

Vezo

“Mijanòna amy Fitiava Ndranahary Ao”

 FANAZAVÀ FANAMPINY

Fandamina Tsy Fifankahazoa amy Resaky Varotsy

Fandamina Tsy Fifankahazoa amy Resaky Varotsy

Niresaky mikasiky olo finoa raiky mifampitory amy fitsarà any ty apostoly Paoly amy 1 Korintianina 6:1-8 ao. Nalahelo ie satria nisy Kristiana ‘nahasaky nitory [ty namany] tamy fitsarà any le niseho alohan’olo tsy marina.’ (Andininy 1) Nivola Paoly fa tsy tokony hanao ho zay ty Kristiana, fa mila alamy amy fiangona eo tsy fifanaraha zay. Hodinihintsika ty antony bevata nanomezany torohevitsy io. Bakeo horesahintsika ty raha sisany tafilitsy amy zay.

Mety hahavy antsika tsy hifankahazo amy ty finoa raiky amintsika ty resaky varotsy. Teantsika halamy araky ty itiava Jehovah azy raha iny, fa tsy araky ze teantsika avao. (Ohabolana 14:12) Nivola Jesosy fa soa laha alamy malaky ty tsy fifanaraha, tany mbo tsy manahira marè. (Matio 5:23-26) Fe, mampalahelo fa misy Kristiana tea fifanankanea, ka mitory ty finoa raiky aminy amy fitsarà any. Nivola Paoly hoe: “Le vatany faheresea tanteraky ho ahinareo ty ifampitorianareo.” Fa manino? Satria mety hangala-baraka ty fiangona noho azy Ndranahary ivavahantsika iny raha zay. Zay ro mahavy antsika handramby am-po safà Paoly iny, hoe: “Tsy aleo va maneky hanaova tsy rariny?”—Andininy 7.

Nivola koa Paoly fa misy fandahara soa natao Ndranahary mba handamina tsy fifankahazoa sankarazany amy fiangona eo. Nanome anti-panahy ie, sady hendry olo rey, satria mahay ty fahamarina amy Baiboly ao. ‘Afaky mitsara ty aly rahalahiny reo’ amy “ty raha mikasiky fiaina toy” rozy, hoy ty asa Paoly. (Andininy 3-5) Misy raha telo nampanovy Jesosy lafa misy hadisoa bevata, manahaky hoe fanarasarà noho famitaha: miezaky handamy raha iny mitoka tseky ze tafilitsy amy raha iny. Laha tsy vita amy zay,  le manday vavolombelo raiky na roe. Laha mbo tsy vita amy zay, le andesy amy fiangona eo raha iny, ka ty anti-panahy ro solontena ty fiangona.—Matio 18:15-17.

Tsy voatery ho mpisolovava na mpamarotsy ty anti-panahy sady tsy mila manao manahaky any zay ie etoa. Tsy mamoaky fitsipiky handamina ty tsy fifankahazoa amy resaky varotsy amy ty samby rahalahy ie. Fa ty raha ataony, le miezaky hanampy olo reo hanoriky ty raha volany ty Baiboly noho hahita hevitsy mety soa sady tsy mandrava filongoa. Mety ho teany ty hanontany ty mpiandraikitsy faritsy na ty birò sampana, laha misy raha sarotsy alamy. Fe, misy raha sisany tsy tafilitsy amy torohevitsy Paoly iny. Ino ohatsy?

Mety ho raha tsy maintsy atao avao kindraiky ty fampiakara fitsarà, na ty lalàna ro mitaky raha zay, fa tsy hoe mampiseho fitiavan-tena na hatea aly. Mety ho zay avao, ohatsy, ty fomba ahazoa fisaraham-panambalea, zo hikarakara anaky, drala solon-kany, fanonera baka amy fiantoha, fanamarina didim-panana, na mba hiarova ty tompon-trosa lafa misy mivola ho lany drala. Mety hisy koa rahalahy voatery hitory amy fitsarà any mba hiarovany ty vatany amy ze nitory azy. *

Tsy mifanohitsy amy torohevitsy Paoly iny fitsarà reo, laha tsy hoe ty hatea aly ro anaova azy. * Fe, ndre eo zay, le ty hanamasìna ty anara Jehovah noho ty hampisy filongoa noho fiharoa say amy fiangona eo ro tokony ho vatan-draha marè amy ty Kristiana. Ty fitiava ro ahaiza soa ty mpanori-dia Kristy, ka ‘ty fitiava tsy mila ze hahasoa ty vatany.’—1 Korintianina 13:4, 5; Jaona 13:34, 35.

^ feh. 2 Kindraiky avao vo hisy ty hoe Kristiana manao raha loza amy ty Kristiana hafa, manahaky hoe fandravà, hasatà, vonoan’olo, na halatsy bevata. Fe, laha miseho raha zay, le azo atao ty manambara amy ty manam-pahefà, ndre mety hiafara amy fitsarà raha zay.

^ feh. 3 Laha mila fanazavà fanampiny, le henteo ty Tilikambo Fiambenana 15 Marsa 1997, pejy 17-22, noho 15 Febroary 1992, pejy 25-28.