Hanenty ty anatiny ao

Ho amy fizarà anatiny any

Ho amy loha hevitsy any

Vavolombelo Jehovah

Vezo

Ino ty Azonao Ianara amy Baiboly Ao?

Ino ty Raha Tea-Ndranahary Hatao ho Antsika?

Ino ty Raha Tea-Ndranahary Hatao ho Antsika?

LAFA mamaky gazety, na manenty telè, na mijanjy radio iha, le misy resaky vonoan’olo, halatsy, aly, na raha raty avao ty ao. Mety ho iha mihintsy koa ro marary, na maty longo.

Eritsereto hoe:

  • Zao va ty tea-Ndranahary hiainako noho hiainani- fianakaviako?

  • Ia ty mba afaky manampy ahy amy raha mahazo ahy toy?

  • Mba hisy va zao fiadana zao?

Mamaly ani-fanontanea reo ty Baiboly.

 AMPIANARINI-BAIBOLY FA HANAO RAHA MIAVAKY AN-TANY ETOA NDRANAHARY.

  • Tsy hijaly sasy noho tsy ho antitsy voho tsy ho maty sasy ty olo.—Apokalypsy 21:4

  • Ho afaky hitsambotsamboko ty malemy tomboky.—Isaia 35:6

  • “Hahita ty masoni-jiky.”—Isaia 35:5

  •  Hovelomy ndraiky ty maty. —Jaona 5:28, 29

  • Tsy harary sasy ty olo. —Isaia 33:24

  • Hana hany maro ty olo iaby. —Salamo 72:16

 MAHASOA ANAO TY MIANATSY BAIBOLY

Mety hieritseritsy iha hoe: ‘Tsy nofy avao va zao?’ Fe Ndranahary mihintsy ro mampitamà fa sisa kely le hataony raha reo. Hazavanini-Baiboly hoe manao akory ty hanaovany ani-raha reo.

Manampy antsika amy raha hafa koa ty Baiboly. Atorony koa hoe ino ty tokony hatao laha ta ho sambatsy noho ho afa-po amy fiaina amy henanizao. Maro ty raha mampanahira antsika. Mety ho tsy fananan-drala ohatsy zay, na fikorontanani-tokantrano, na arety, na fahafatesani-longo. Afaky mampahery anao noho manampy anao amy raha zay ty Baiboly. Valeany ao, ohatsy, fanontanea retoa:

 Ta hahay ty raha ampianarini-Baiboly iha, kanao mamaky ani-boky toy. Henteo fanontanea ambany pejy reo, satria hanampy anao hahazo soa ty raha volanini-Baiboly raha zay. Olo an-tapitrisany ro tea mianatsy Baiboly miaraky amy Vavolombeloni-Jehovah. Mitamà zahay fa ho teanao koa raha zay. Loniky lahy iha hotahì-Ndranahary lafa mianatsy Baiboly!