Hanenty ty anatiny ao

Ho amy fizarà anatiny any

Ho amy loha hevitsy any

Vavolombelo Jehovah

Vezo

Afaky ho Sambatsy ty Fianakavianao

 FIZARÀ 1

Miantehera amy Ndranahary le ho Sambatsy ty Fanambaleanao

Miantehera amy Ndranahary le ho Sambatsy ty Fanambaleanao

“Azy namoro ty olo iny, le nanao an-drozy ho lahilahy noho ampela.”—Matio 19:4

Jehovah * Ndranahary ro namoro ty fanambalea voalohany. Mivola ty Baiboly fa “nandesiny tamy lahilahy iny any” ampela voalohany iny, lafa baka niforoniny. Nifalifaly marè Adama, le hoy ty asany: “Ela ty ela ka toy ty taola baka amy ty taolako noho nofotsy baka amy ty nofotsiko.” (Genesisy 2:22, 23) Mbo tea Jehovah ho sambatsy koa ty olo manambaly henanizao.

Mitamà ty olo ilany lafa manambaly fa hilamy soa iaby ty raha iaby. Fe tsy maintsy hana raha manahira avao ty mpivaly, ndre mifankatea vatany. (1 Korintianina 7:28) Hanampy anareo morovaly noho ty ananareo ho sambatsy ty torolala Baiboly anaty bokikely toy ato, laha orihinareo.—Salamo 19:8-11.

 1 EKEO TY ANDRAIKITSY NAMEA JEHOVAH ANAO

HOY TY BAIBOLY: Ty lahilahy ro loha ty fianakavia.—Efesianina 5:23.

Ho anao lahilahy manambaly, tea Jehovah hokarakaranao soa ty valinao. (1 Petera 3:7) Natao Jehovah ho famenonao ie sady iriny ho tea noho hampisy hajany azy iha. (Genesisy 2:18) Tokony ho teanao marè biby ty valinao, ka ze hahasoa azy tse ro hataonao, zay vo ty ahinao.—Efesianina 5:25-29.

Ho anao ampela manambaly, tea Jehovah hanaja soa ty valinao iha sady hanampy azy hahavita ty andraikitsiny. (1 Korintianina 11:3; Efesianina 5:33) Tohano ty fanapahan-kevitsiny sady ampeo amy ty fonao iaby ie mba hahavitanareo raha iny. (Kolosianina 3:18) Ho teatea valinao iha amy zay, sady ho tea Jehovah koa.—1 Petera 3:1-6.

TOY MISY HEVITSY:

  • Anontaneo valinao hoe ino ty raha mbo azonao atao mba ho valy soa. Janjino soa ie le ataovo ze azonao atao mba hahasoa raha

  • Mahalinisa raha. Elaela vo ho hainao ty raha azonao atao mba hahasambatsy ty valinao, le ho zay koa ie

2 MANAOVA SOA TSY NO HAMPALAHELO TY VALINAO

HOY TY BAIBOLY: Mila mieritseritsy ze hahasoa ty valinao iha. (Filipianina 2:3, 4) Atorò fa lafovily aminao ie, le tiarovo fa tea Jehovah “halemy fanahy amy ty olo iaby” ty mpanompony. (2 Timoty 2:24) Eritsereto soa ty raha hovolaninao, satria ‘manahaky ty fitsiboky ty sabatsy ty safà tsy voahevitsy, fa ty safà ty hendry mahamela.’ (Ohabolana 12:18) Hanampy anao ty fanahy Jehovah, mba ho soa fanahy noho hanam-pitiava lafa mivola.—Galatianina 5:22, 23; Kolosianina 4:6.

TOY MISY HEVITSY:

  • Mivavaha mba hahatanjaky ty ainao noho parè hijanjy ty hevitsy ty valinao, aloha ty hiresahanareo raha bevata

  • Eritsereto soa ty raha hovolaninao noho ty fomba hivolananao azy

 3 MIHAROA HEVITSY

HOY TY BAIBOLY: Lafa manambaly iha, le manjary “nofotsy raiky” nareo morovaly. (Matio 19:5) Fe mbo olo roe samby hafa avao nareo ka mety tsy hitovy hevitsy. Midika zay fa mila mianatsy hitovy hevitsy noho fihetseham-po nareo. (Filipianina 2:2) Ilà raha zay lafa hanapa-kevitsy. Hoy ty Baiboly: “Ho tanteraky ze raha kasà laha misy mpanoro hevitsy.” (Ohabolana 20:18) Oriho ty toro lala ty Baiboly lafa handramby fanapahan-kevitsy bevata nareo morovaly.—Ohabolana 8:32, 33.

TOY MISY HEVITSY:

  • Resaho amy valinao koa ty fihetseham-ponao, fa tsy ty fanazavà na ty eritseritsinao avao

  • Miresaha amy valinao tse, aloha ty hanekea hanao raha raiky

^ feh. 4 Jehovah ty anara Ndranahary, volàny amy Baiboly ao.