Hanenty ty anatiny ao

Ho amy fizarà anatiny any

Vavolombelo Jehovah

Vezo

Hanao Akory ty Fiaina amy Hoavy?

Hanao Akory ty Fiaina amy Hoavy?

Fiaina toy va...

  • hanao ho zao avao?

  • hiharaty?

  • hihasoa?

 HO ZAO TY VOLANY TY BAIBOLY

‘Hofafà Ndranahary ty ranomaso iaby amy ty mason-drozy, ka tsy hisy fahafatesa sasy, sady tsy hisy sasy ty alahelo, na ty fitaraina, na ty raha mahararirary, fa fa lasa ty raha taloha.’—Apokalypsy 21:3, 4, Fandikan-teny Tontolo Vaovao.

INO TY RAHA SOA HO AZONAO?

Hana asa soa noho mahafa-po.—Isaia 65:21-23

Tsy harary na hijaly sasy.—Isaia 25:8; 33:24.

Ho sambatsy amy fiaina zisiky farany miaraky amy ty longo noho ty nama.—Salamo 37:11, 29.

 AZO INOA VATANY VA TY RAHA VOLANY TY BAIBOLY?

Eka, misy antony roe retoa:

  • Mahavita manatanteraky ty raha nampitamaniny Ndranahary. Jehovah Ndranahary raiky avao ro kaihy hoe “Farany Ze Mahery” amy Baiboly ao. (Apokalypsy 15:3) Midika zay, fa vitany ty hanova ty fiaina an-tany etoy ho soa, araky ty fa nampitamaniny. Zay volany Baiboly iny hoe “hay Ndranahary kila raha iaby.”—Matio 19:26

  • Maniry hanatanteraky ty raha nampitamaniny Ndranahary. ‘Irỳ’ Jehovah hovelomy ndraiky, ohatsy, ty olo fa nimaty.—Joba 14:14, 15.

Volany ty Baiboly koa fa nitaha olo marary Jesosy, Ana Ndranahary. Ino ty nahavy azy hanao raha zay? Satria naniry hanao raha zay ie. (Marka 1:40, 41) Manahaky Babany marè Jesosy, ka ta hanampy ze olo mila fanampea.—Jaona 14:9.

Ka le afaky matoky tsika fa maniry hanampy antsika hana hoavy sambatsy, Jehovah noho Jesosy!—Salamo 72:12-14; 145:16; 2 Petera 3:9.

 ERITSERETO ZAO

Manao akory ty hanovà Ndranahary ty fiaina an-tany etoy ho soa?

Mamaly fanontanea io ty Baiboly amy MATIO 6:9, 10 noho DANIELA 2:44 ao.