Hanenty ty anatiny ao

Ho amy fizarà anatiny any

Vavolombelo Jehovah

Vezo

Manao Akory ty Fahitanao ty Baiboly?

Manao Akory ty Fahitanao ty Baiboly?

Hivola va iha hoe...

  • boky baka amy hevitsinolombelo?

  • boky tapasiry?

  • safà Ndranahary?

 HO ZAO TY VOLANY TY BAIBOLY

“Lafa atao raha voasoratsy amy Soratsy Masy ao le baka amy ty hery ty fanahy masy Ndranahary.”—2 Timoty 3:16, Fandikan-teny Tontolo Vaovao.

INO TY RAHA SOA HO AZONAO?

Valiny mahafa-po amy fanontanea bevata amy fiaina.—Ohabolana 2:1-5.

Torohevitsy azo atokisa amy fiaina andavanandro.—Salamo 119:105.

Raha tamàny azo antoky amy hoavy.—Romanina 15:4.

 AZO INOA VATANY VA TY RAHA VOLANY TY BAIBOLY?

Eka, misy antony telo retoa:

  • Mifanaraky soa. Lahilahy 40 teo ho eo ro nanoratsy ty Baiboly tanaty ty 1 600 tao. Tsy nifankahita mihintsy ty maro amin-drozy. Fe ndre zay, le mifanaraky soa boky io sady miresaky foto-kevitsy raiky avao!

  • Manambara ty marina. Mamonivony ty faharesea ty firenenany matetiky ty mpahay tantara. Tsy nanao ho zay ty mpanoratsy ty Baiboly. Nambaran-drozy iaby ndre ty hadisoany ndre ty ahy ty firenenany.—2 Tantara 36:15, 16; Salamo 51:1-4.

  • Azo atokisa ty faminania volaniny. Fa ho 200 tao taloha ty naharava ty tanà Babylona taloha, ro fa nivolana ty Baiboly fa ho rava tanà io. (Isaia 13:17-22) Tsy ty hisehoa raha zay avao ro nambarany, fa ndre ty anara ty olo hitariky fandravà io koa!—Isaia 45:1-3.

    Faminania maro amy Baiboly ao koa ro fa tanteraky soa iaby ndre ty raha malinidiniky aminy. Ka tsy tokony hanao ho zay va ty boky baka amy Ndranahary?—2 Petera 1:21.

 ERITSERETO ZAO

Manao akory ty hanasoava ty Baiboly ty fiananao?

Mamaly fanontanea io ty Baiboly amy ISAIA 48:17, 18 noho 2 TIMOTY 3:16, 17 ao.