Hanenty ty anatiny ao

Ho amy fizarà anatiny any

Ho amy loha hevitsy any

Vavolombelo Jehovah

Vezo

Boky Misy Tantara Baka Amy Baiboly

Boky Misy Tantara Baka amy Baiboly

Boky Misy Tantara Baka amy Baiboly
Jesosy miresake amin’ajà

TANTARA marina ro hita amy boky toy ato. Baka amy Baiboly ao ro nangalà raha reo. Boky farani’​ze malaza amy tany manontolo Baiboly zao. Mitantara ty nanomboha-Ndranahare namoro tontolo toy zisiky amy androntsika henany zao boky toy. Ho hitantsika ato kea ty resake mikasike ty raha ampitamàni-Ndranahare amy ho avy.

Ho hainareo anaty boky toy ato ty mikasike olo maro resàhi’​ty Baiboly noho ty raha nataon-droze. Misy fampitamàna bevata namea-Ndranahare ty olo kea ty ao. Tsy ino raha io, fa fiaìna mandrakizay amy tany paradisa ao.

Misy tantara 116 anaty boky toy ato. Natambatse ho fizarà valo roze iaby reo. Laha vo manomboke ty fizarà raike, le misy pejy raike zay mitantara ty raha hiseho amy fizarà io ao. Milahatse soa arake ty raha niseho taloha tantara ato reo. Manampy anao hahay ty raha nisy vatane tamy tantara teo raha zay sady hanampy anao hahay hampitovy aminy amy tantara hafa kea.

Fivolàna farane ze mora ro itantarà tantara ato reto. Hahavita hamaky boky toy raike avao ajà fa bebe reny, fa tsy hila olo hafa. Ho hitanareo rae amin-dreny fa ho faly ty ananareo mbo kelikele, laha fa ampolimpolinareo vakỳ amine avao tantara ato reo. Ho hitanareo koa, fa ho tea’​ty tanora noho ty antitse boky toy.

Amy fiafarà tantara kiraidraike reo ane ro ametraha ty andinin-teny baka amy Baiboly ao miresake mikasike tantara io. Amporisìhy nareo mba hamaky andinin-teny ahità tantara reo.

Natao ze hahamora azon’​ajà ty andinin-teny baka amy Baiboly hita amy boky toy ato. Atoro amy fara’​ty tantara kiraidraike, ty nangalà andinin-teny reo.