Hanenty ty anatiny ao

Ho amy fizarà anatiny any

Ho amy loha hevitsy any

Vavolombelo Jehovah

Vezo

Boky Misy Tantara Baka Amy Baiboly

Fizarà 8: Tanterake ze Raha Ambara’​ty Baiboly Mialoha

Fizarà 8: Tanterake ze Raha Ambara’​ty Baiboly Mialoha

Mitantara ty raha marina niseho tamy andro taloha tany ty Baiboly no sady manambara ty raha mbo hiseho amy hoavy koa. Tsy afake manambara ty hoavy ty olombelo. Zay ty antone ahaìzantsika fa baka ami-Ndranahare ty Baiboly. Ino va ty raha novolàni’​ty Baiboly mikasike ty hoavy?

Miresake mikasike aly be hatao-Ndranahare, ty Baiboly. Amy aly io ro hangalà-Ndranahare ty faharatia iaby noho ty olo raty fanahy. Ty olo manompo aze avao ro harovane. Jesosy Kristy ro mpanjaka nofilì-Ndranahare amin’​io. Hataon’​i Jesosy ze hahafalifale ty mpanompo-Ndranahare. Hiada noho ho sambatsy roze, ka tsy hisy harare na ho maty koa.

Faly tsika, satria hanao paradisa vaovao an-tany etoy Andranahare. Sa tsy zay? Fe laha teantsika ty ho velo amy paradisa io ao, le misy raha tokone hataontsika. Hianarantsika raha io amy farany boky toy ato. Ho haintsika ami’​zay ze raha tokone hatao soa hahavy antsika ho falifale ami’​ty raha soa maro hatao-Ndranahare ho ahi’​ty olo manompo aze. Vakio moa Fizarà FAHAVALO toy, le ho hitanao ty raha resahi’​ty Baiboly mikasike ty hoavy.

 Paradisa