Hanenty ty anatiny ao

Ho amy fizarà anatiny any

Ho amy loha hevitsy any

Vavolombelo Jehovah

Vezo

Boky Misy Tantara Baka Amy Baiboly

Tantara 18: Nandeha Ta-Harana ane Jakoba

Tantara 18: Nandeha Ta-Harana ane Jakoba

HAINAO va hoe ia lahilahy iresàhan’​i Jakoba reo? Laha fa baka nandeha tanaty andro maromaro Jakoba, le nifankahita tamin-droze reo tamy vovo raike zay. Nikarakara ty aondrin-droze, roze. Nanontany Jakoba hoe: ‘Baka aìa nareo?’

‘Baka Harana any’, hoy ty asan-droze.

Nanontany Jakoba hoe: ‘Hainareo va Labana?’

‘Eka’, hoy ty asan-droze. ‘Ndroy ty anak’​ampelane miarake ami’​ty aondrine.’ Hitanao va Rahely mandeha bakao tiky

Nifankahita tamy Jakoba Rahely

Laha fa nihitan’​i Jakoba Rahely niarake tamy aondrin’​i Labana, dadatoane, le nalàne vato nilimboke vovo iny soa hahafàha aondry reo hinon-drano. Bakeo nanoroke an’​i Rahely Jakoba sady nivòla tamine hoe ia ie. Faly bibike Rahely, ka nandeha an-trano ane mba hanambara raha io tamin’​i Labana, babane.

Falifale bibike Labana laha fa nipetrake tamine tao Jakoba. Ka laha fa nangatake an’​i Rahely mba ho valine Jakoba le nahafaly an’​i Labana raha zay. Fe, mba hahazoa an’​i Rahely le nangatake an’​i Jakoba hiasa amine ao anaty fito tao Labana. Nitea an’​i Rahely maré Jakoba ka nanòvine raha zay. Fe laha fa niavy ty fotoa tokone hanambaliane aze, hainao va hoe ino ty raha niseho?

Lea anak’​ampelan’​i Labana voalohane iny ro nameane an’​i Jakoba, fa tsy Rahely. Ka laha naneky hiasa ho an’​i Labana anaty fito tao ndraike Jakoba, le hamean’​i Labana aze ho valine kea Rahely. Tamy fotoa io, le mbo nengà-Ndranahare hanambaly mihoatse ty raike ty lahilahy. Fe henany zao, arake ty hita amy Baiboly ao, le tokone hanambaly raike avao ty lahilahy.

Genesisy 29:​1-30.



Fanontanea

  • Ia somonjara amy sary eo io? Ino ty raha nataon’​i Jakoba laha fa nahita aze?
  • Ino ty raha tokone hekén’​i Jakoba mba hahafahane hanambaly an’​i Rahely?
  • Ino ty raha nataon’​i Labana laha fa niavy ty fotoa hanambalean’​i Jakoba an’​i Rahely?
  • Ino ty raha nekén’​i Jakoba hatao mba hahafahane hanambaly an’​i Rahely?

Fanontanea Fanampine

  • Vakio Genesisy 29:​1-30.

    Tamy fomba manao akore ro nampisehoan’​i Jakoba fa olo azo atokisa ie ndra fa noveriveren’​i Labana aza? Ka ino koa ty fianara azontsika baka amy raha zay? (Gen. 25:27; 29:​26-28; Matio 5:​37

    Ino ty ohatse nengàn’​i Jakoba, ka ahità, fa samby hafa ty fitiava, noho ty hoe matimaty amin’​olo na teatea aze? (Gen. 29:​18, 20, 30; Tonon. 8:​6)

    Ia iaby ampela efatse nanjary valin’​i Jakoba, sady niterahane reny? (Gen. 29:​23, 24, 28, 29)