Hanenty ty anatiny ao

Ho amy fizarà anatiny any

Ho amy loha hevitsy any

Vavolombelo Jehovah

Vezo

Boky Misy Tantara Baka Amy Baiboly

Tantara 17: Hamba Tsy Nitovy

Tantara 17: Hamba Tsy Nitovy
Esao

TSY mitovy vatane ajà lahilahy roe eto reto, sa tsy zay? Hainao va ty anaran-droze? Esao aze mitifitsy io, Jakoba aze mikarakara aondry io.

Anan’​i Isaka noho Rebeka Jakoba noho Esao; hamba roze. Tea an’​i Esao, Isaka, satria mahay mihaza ie sady mpanday hany ho ahi’​ty fianakavia an-trano ao. Fe Rebeka tea an’​i Jakoba, satria mipetrapetrake ie, sady tsy masiake fa soa fanahy.

Mbo velo Abrahama razan-droze tami’​zay. Azontsika eritserety fa le nahafaly an’​i Jakoba biby ty nijànjy an’​i Abrahama niresake tamine mikasike an’​i Jehovah. Fe nimaty Abrahama laha fa 175 tao, vo 15 tao hamba reo tami’​zay.

Laha fa 40 tao Esao le nanambaly ampela roe baka amy tany Kanana ane. Tsy nitean’​i Isaka noho Rebeka raha zay fa nampalahelo an-droze, satria tsy nanompo an’​i Jehovah ampela reo.

Ndraike andro, le nisy raha niseho, ka nampeloke an’​i Esao tamin’​i Jakoba rahalahine. Niavy ty fotoa hanomezan’​i Isaka tsodrano anake lahine voalohane iny. Nitamà hahazo tsodrano io Esao, satria ie ro zokin’​i Jakoba. Fe fa taloha raha zay Esao ro fa namarotse ty fizokiane tamin’​i Jakoba. Tamy fotoa nahaterahan-droze roe lahy kea, le fa nivòla Andranahare fa Jakoba ro hahazo tsodrano. Ka le zay vatane ty raha niseho. Nanome tsodrano an’​i Jakoba Isaka.

Jakoba

Laha fa nihain’​i Esao raha io tafara atoy, le neloke biby tamin’​i Jakoba ie. Neloke maré ie, ka nivòla fa hamono an’​i Jakoba. Natahotse biby Rebeka laha fa naharé raha io. Ka hoy ty asane tamin’​i Isaka valine: ‘Ho loza laha mangalake valy ampela kananita reo kea Jakoba.’

Nikaike an’​i Jakoba Isaka ka nanao hoe: ‘Ka manambaly ampela kananita mihitsy iha. Fa ndahàna mandeha an-tranon’​i Betoela, razanareo mipetrake a-Harana ane, ka alao valy ty anak’​ampelan’​i Labana anake lahine.’

Nijànjy noho nanorike soa ty safà’​ty babane Jakoba, ka tsy nandìny ela ie, fa nandeha a-Harana ane malaky, tanà misy ty longone.

Genesisy 25:​5-11, 20-34; 26:​34, 35; 27:​1-46; 28:​1-5; Hebreo 12:​16, 17



Fanontanea

  • Ia va Esao noho Jakoba io? Ino ty tsy nampitovy an-droze?
  • Nifiry tao Esao noho Jakoba laha fa nimaty Abrahama?
  • Ino ty raha nataon’​i Esao, ka nampalahelo ty babane noho ty renine?
  • Nanino Esao ro neloke maré tamin’​i Jakoba, rahalahine?
  • Ino ty torohevitse namean’​i Isaka an’​i Jakoba, anake lahine?

Fanontanea Fanampine

  • Vakio Genesisy 25:​5-11, 20-34.

    Ino ty faminania namean’​i Jehovah mikasike anan’​i Rebeka roe lahy reo? (Gen. 25:​23)

    Ino ty naha samby hafa ty fiheveran’​i Jakoba noho Esao ty fizokia? (Gen. 25:​31-34)

  • Vakio Genesisy 26:​34, 35; 27:​1-46; noho 28:​1-5.

    Tamy fomba manao akore ro nahità fa tsy nidary ty lalà-Ndranahare Esao? (Gen. 26:​34, 35; 27:​46)

    Ino ty raha nampanaòvin’​i Isaka an’​i Jakoba mba hahazoane ty fitahia-Ndranahare? (Gen. 28:​1-4)

  • Vakio Hebreo 12:​16, 17.

    Hanao akore ty hiafaran’​olo tsy manisy dikane raha masy reny, laha ohatsin’​i Esao io ro hentea?