Hanenty ty anatiny ao

Ho amy fizarà anatiny any

Ho amy loha hevitsy any

Vavolombelo Jehovah

Vezo

Boky Misy Tantara Baka Amy Baiboly

Tantara 2: Zariday Soasoa Biby

Tantara 2: Zariday Soasoa Biby

HENTEO moa ty tany eto! Le soasoa biby ty kila raha eo! Mba henteo moa ahitse noho hazo, folera noho biby maro reo. Hainao va ty manavake elefanta noho ty liona?

Biby tamy zariday Edena tao

Fomba manao akore ro nampìsy zariday soasoa io? Ndao ho henteantsika ty fomba nanamboara-Ndranahare tany toy ho antsika.

Tamy voalohane Andranahare le nampitìry ahitse maitso hanaròma ty tany. Nanao karazan-kazo maro noho ala ie. Nihasoa ty tany laha fa nitìry iaby raha reo. Fe nisy raha soa hafa azo baka amy karazan-kazo reo. Nanome hany matsiro ho antsika raha reo.

Tafara atoy le nanamboatse fia hilàno anaty rano noho voro hitìly an-danitse eny Andranahare. Nanao alika noho piso voho sôvaly kea ie; bakeo biby bevata noho biby kelikele. Ino ty biby misy anilanareo eo? Tsy tokone hahafaly antsika va ty nanamboara-Ndranahare raha iaby reo ho antsika?

Farane le nanamboatse faritse raike miavake tan-tany etoy Andranahare, ka nokaìhine hoe zariday Edena. Le vatane nisoa biby ie io. Soa biby ty raha iaby tao. Tea-Ndranahare ho soa manahake zariday io kea ty tany iabiaby.

Fe henteo ndraike moa sary zariday toy! Hainao va hoe ino ty raha hita-Ndranahare fa tsy ampy eto? Ndao ho henteantsika.

Genesisy 1:11-25; 2:8, 9.



Fanontanea

  • Nanao akore ty fomba nikarakarà-Ndranahare ty tany mba hahafahantsika hipetrake eto?
  • Volàno iaby ty karazam-biby namboari-Ndranahare. (Henteo sary io.)
  • Ino iaby ty raha nampiavake zariday Edena io?
  • Tea-Ndranahare hanao akore ty tany iabiaby?

Fanontanea Fanampine

  • Vakio Genesisy 1:​11-25.

    Ino ty raha noforòni-Ndranahare tamy andro fahatelo namoròna? (Gen. 1:​12)

    Ino ty raha niseho tamy andro fahaefatse namoròna ? (Gen. 1:​16)

    Karazam-biby ino iaby ro noforòni-Ndranahare tamy andro fahalimy noho fahaeny? (Gen. 1:​20, 21, 25)

  • Vakio Genesisy 2:​8, 9.

    Ino iaby karazan-kazo roe napetra-Ndranahare tamy zariday Edena tao reny? Ino ty dika hazo reo?