Hanenty ty anatiny ao

Ho amy fizarà anatiny any

Ho amy loha hevitsy any

Vavolombelo Jehovah

Vezo

Ino Marina ro Ampianary ty Baiboly?

 FANAZAVÀ FANAMPINY

Naminany ty Fiavia Mesia Daniela

Naminany ty Fiavia Mesia Daniela

VELO 500 tao mahery taloha ty niteraha Jesosy, Daniela mpaminany. Fe ty fanazavà namea Jehovah azy, le nanampy mba hahaiza ty fotoa nanosora na nanendrea any Jesosy ho Mesia, na Kristy. Ho zao ty nivolany tamy Daniela: “Soa ho  hainao noho hazava soa aminao, fa manomboky amy fotoa hiboaha ty didy hanarena Jerosalema noho hanamboara azy, zisiky hiavia ty Mesia Mpitariky, le hisy fito herinandro noho enimpolo roe amby herinandro.”—Daniela 9:25.

Mila haintsika tse hoe nombia ty ‘niboaha ty didy hanarena any Jerosalema noho hanamboara azy’, zay vo ho haintsika ty daty niavia ty Mesia. Hoy Nehemia, mpanoratsy Baiboly: “Tamy tao faharoampolo nanjakàny Artaksersesy” ro niboaky ty didy hanamboara ty lakorobe Jerosalema. (Nehemia 2:1, 5-8) Manamarina koa ty mpahay tantara, fa nanomboky nanjaka Artaksersesy tamy tao 475 T.K. Midika  zay fa tamy 455 T.K. ty tao faharoampolo nanjakàny. Ty tao 455 T.K. ro daty hahaiza malaky ty fiavia Mesia volany ty faminania Daniela.

Nivolany Daniela ty halava ty fotoa manomboky eo zisiky hiavia ty “Mesia Mpitariky.” Nivola ie fa “fito herinandro noho enimpolo roe amby herinandro” halava fotoa zay, na 69 herinandro amy ty fitambarany. Zisiky ombia fotoa zay? Fandikan-teny Baiboly maromaro, ro ahaiza fa tsy herinandro misy fito andro, herinandro reo, fa herinandron-tao, midika zay fa misy fito tao ty herinandro kiraidraiky. Fa nahazatsy ty Jiosy taloha, ty herinandron-tao. Nanaja ty tao sabata, ohatsy, rozy saky fito tao. (Eksodosy 23:10, 11) Midika zay fa misy 7 tao, ty kiraidraiky amy 69 herinandro volany amy faminania io, laha atambatsy zay le manome 483 tao (69 x 7).

Mikonty sisa ro ataontsika. Laha manisaky 483 tao manomboky amy tao 455 T.K. tsika, le avy amy tao 29 A.K. (Afara Kristy) raha zay. Tamy tao io mihintsy Jesosy ro natao batisa, noho nanjary Mesia! * (Lioka 3:1, 2, 21, 22) Tsy mahatseriky va ty mahita fa tanteraky iaby ty faminania amy Baiboly ao?

^ feh. 2 Laha manisaky baka amy 455 T.K zisiky amy tao 1 T.K. tsika, le mahita 454 tao. Misy tao raiky, baka amy tao 1 T.K. zisiky amy tao 1 A.K. (tsy misy ty tao 0). Misy 28 tao baka amy tao 1 zisiky amy tao 29. Laha ampifanampea isaky telo reo, le manome 483 tao. ‘Nivonoa’ Jesosy tamy tao 33, tanaty ty herinandron-tao faha-70. (Daniela 9:24, 26) Henteo ty toko 11 amy boky Diniho ny Faminanian’i Daniela! (malagasy), naboaky ty Vavolombelo Jehovah.