Hanenty ty anatiny ao

Ho amy fizarà anatiny any

Vavolombelo Jehovah

Vezo

Fifanekea Hiaro Fanazavà

Fifanekea Hiaro Fanazavà

Ty fandaminani-Vavolombeloni-Jehovah le manaja ty zon’olo kiraidraiky hana ty sekirèny, mifototsy amy torolalani-Baiboly. Haini-fandamina io fa mila miresaky malalaky tsy an-kifonofono noho mamory fanazavà mikasiky olo na sekirèn’olo ie, mba ho afaky hanome ty raha ilàni-Vavolombeloni-Jehovah noho hamita ty asa soa ara-pivavaha ataony, sady hainy fa mila atao azo antoky avao hoe voaaro soa sekirè reo. (Ohabolana 15:22; 25:9) Vatan-draha aminy ty sekirè.​—Ohabolana 20:19.

Nampiboaky lalàna mikasiky fiarova fanazavà ty firenena maro mba hiarova ty zon’olo kiraidraiky hitanjaky ty sekirèny. Hita amy tantarani-Vavolombeloni-Jehovah hoe fa ela ie ro nanaja ty zo mikasiky fitanjaha sekirè, ndre mbo tsy nisy lalàna niboaky mikasiky ani-zay aza. Mbo hiaro ty fanazavà namea azy avao ty fandaminani-Vavolombeloni-Jehovah, mifanaraky amy fomba nahazatsy azy, voasoratsy amy fifanekea toy.

Ty Iantefany

Fifanekea toy, le miantefa amy fandaminani-Vavolombeloni-Jehovah iabiaby, zany hoe amy biròni-sampana amy tany toy iaby.

Fiarova Fanazavà

Ty fandaminani-Vavolombeloni-Jehovah, le manoriky torolala manaraky retoa saky mandramby fanazavà mikasiky olo:

  1. Hamboary araky ty rariny noho mifanaraky amy lalàna fanazavà iny.

  2. Havory, hamboary, noho hampiasà mba hanaova asa fanasoava ara-pivavaha ataoni-Vavolombeloni-Jehovah avao fanazavà iny.

  3. Ho marina noho haharaky ty raha misy fanazavà iny. Hovà malaky araky ze tratsy ty fahadisoa laha vo haini-fandamina.

  4. Ze fotoa ilà azy arakaraky ty raha kendrèni-fandamina mifanaraky amy lalàna avao ro hitanjaha ani-fanazavà iny.

  5. Hatao ze hanajà soa ty zoni-tomponi-fanazavà iny.

  6. Horambesy ty fepetra ara-tekniky noho amy fomba fandamina asa, mba tsy hiparitaky amy fomba tsy ara-dalàna na tsy nahazoa lala fanazavà iny. Voaaro anaty ordinatera misy safà mietaky ty fanazavà iaby anaty ordinatera, ka ze olo nahazo lala hampiasa azy avao ro mana safà mietaky io. Mihily ty birò iaby lafa amy lera tsy iasà sady ty mpiasa nahazo lala avao ro mahazo militsy ao.

  7. Tsy hifandefa fanazavà ty sampana laha tsy hoe ilà raha zay mba hamità ty asa soa, na ara-pivavaha ataoni-fandaminani-Vavolombeloni-Jehovah. Fa naneky an-tsitrapo, tsy nisy faneriterea hitovy hevitsy amy fandamina io ty Vavolombeloni-Jehovah iaby lafa nanjary noho nanambara ty vatany hoe Vavolombeloni-Jehovah.

Zoni-Tomponi-Fanazavà Iny

  1. Amea zo hiaro ty fanazavà mikasiky azy na ty sekirèny, hanova na hamafa ani-zay ty tompony, mifanaraky amy fombani-Vavolombeloni-Jehovah voasoratsy amy fifanekea toy.

  2. Tsy maintsy manome porofo ampy ze olo mandefa fangataha misy ifandrambesany amy raha toy hoe ia marina ie.

  3. Laha misy olo mangataky hahita, hanova, na hamafa ty fanazavà mikasiky azy na ty sekirèny, le hodinihini-fandamina soa amy fomba voalanjalanja ty tombony ho an’olo iny lafa afaky mahita, manova, na mamafa fanazavà ie noho ty tombony amy asa ara-pivavaha ara-dalàna ataoni-fandamina, tafilitsy amy zay ty hoe tsy no mikai-doza amy ty zoni-fandamina hana fahalalaha noho fomba ara-pivavaha fangataha zay.

  4. Teani-fandamina hohajarỳ zisiky farany ty fanazavà mikasiky hoe Vavolombeloni-Jehovah ty olo raiky. Laha voafafa fanazavà zay, le tsy ho voahaja ty finoa noho ty fomba ara-pivavahani-fandamina.

Zo Hitaky

Laha misy olo mieky hoe tsy voahaja ty zony, le azony atao ty mitaky ani-zay ka manoratsy amy Komitini-Sampana amy alalani-taratasy. Tokony halefa anatini-roe herinandro manaraky ani-fihetsiky nifotorany fitakia iny taratasy io.