Aller au contenu

Aller au sous-menu

Aller au sommaire

Mokaron Jehowah ekary aroponamon

Tilewuyu

Kurangonon oka Tamusi wyino otodo !

 Omepatobo 3

Morokon kurangonon oka Tamusi karetary tanokon Tamusi wyino nare nosandon ?

Morokon kurangonon oka Tamusi karetary tanokon Tamusi wyino nare nosandon ?

1. Noky ko moro Tamusi karetary aporemy’me’na ?

Moro oka, mo’karon no’no tu’po amandonon emamyry’man mojaro, konokary’san Tamusi karetary ta (Mateus 5:5). Moro Tamusi karetary 66 kareta wota’saka’san me man. Tamusi wa tymero’po man oko kari’na tamyitjaboramon wokyryjan’wa : morokon ainatone koromoneno Moses’wa tymero’man penaro tera 3 500 siriko iwairy taro, moro iromboro tymero’man moko apojomapo Johanes’wa 1 900 siriko iwairy taro. Noky wonumegary ko mo’karon Tamusi karetary meronamon wa takary’se tywaije’na ? Tywonumegary’kon kapyn, Tamusi wonumegary’te tymero i’waine man, a’kary pori’tory ’wa torupa tywaije mandon (2 Samuel 23:2). Iro ke ro Jehowah te moro Tamusi karetary aporemy’me’man. — 2 Timoteus 3:16 ; 2 Petrus 1:20, 21 erubako.

2. One wara ko ukutyry’na ipororo moro Tamusi karetary wopyry Tamusi wyino po ?

Kusukusaton Tamusi wyino moro ikaretary wopyry moro koro’pono amanon ekarityry’ke i’wa iporo me imero (Josué 23:14). Amy pairo kari’na oty ekarityry upijan iwara. Moko Tamusi pari’pyn me ma inoro roten koro’pono amanon ekari’san mo’karon amandonon poko. — Isaïe 42:9 ; 46:10 erubako.

Iro ke ro o’win kareta Tamusi wyino otodo typo man amykonymbo kareta wara e’i’pa man. Pyime imero taripase’man pyimanon aurananon ta enapa tymero’man. Aronge penato kareta me man oty’ukunamon karetary maro konopojan, aronge mo’karon 40 imeronamon amy me te rapa oty animeropa tywaije mandon *. Iroke te Tamusi pyny enepojan kywaine. Ero me noro, mo’karon amandonon emamyry kuramary taro man. Erokon’ro kenenepojan pyimano’kon kari’na wa moro Tamusi karetary, Tamusi auran me iwairy. — 1 Tesalonika 2:13 erubako.

 3. Oty poko ko Tamusi karetary naraunanon ?

Moro Tamusi karetary kurangonon oka ekari’san, mo’ko Tamusi wa amy typyny oty kapyry’man mo’karon nono tu’po amandonon wanome. Moro Tamusi karetary kenekari’san one wara moro iru’pyn Eden pyrorory’bo utakapombo koromone moro amanon wotamopomboto, irombo kenenebojan one wara moro utakapo pyroro epory rapa kywaine. — Jesus nenepo’po 21:4, 5 erubako.

Ero kareta ta ro morokon omenanon mero’san man, kurangon onumenganon enepojan, irombo kenekari’san enapa one wara Tamusi wa mo’karon nono tu’po amandonon enapombo. Erokon aurananon kenenebojan noky me iwairy. Moro Tamusi Karetary iru’pyn me imero Tamusi ukupo bojan irombo kenekari’san enapa one wara ipawanary me awairy.Psaume 19:7, 11 ; Jakobus 2:23 ; 4:8 erubako.

4. One wara ko moro Tamusi karetary ukutyry taro man iru’pyn imero ?

Ero kareta membo a’pemy’po ajepanopery taro man moro Tamusi karetary ukutome, mo’ko Jesus wa ukupodopombo wara. Morokon imero’san Tamusi karetary ta piniatopombo i’wa man o’win, o’win pai « morokon imero’san uku’tome i’waine ». — Lukas 24:27, 45 erubako.

Erokon kurangonon oka iru’pyn me imero man Tamusi wyino iwopyry ke. Se’me te amykon enanon tuwaropa’bo, amykonymbo akimanon te. Kytetykaton te. Moro awomeparykon ta roten te mo’ko Tamusi poko, moro i’matypyn amanon epory taro maitaton. — Johanes 17:3 erubako.

 

^ § 3 Enetokon moro a’pemy’po kareta membo O’win kareta pa’poro owanokome.