Huti le conținutoste

Huti coa duito menio

Huti le cuprinsoste

Le Martori le Iehovasche

Rromani (România)

I vestea lași le Devlestar

 I Lecția 8

Sostar mechel o Del o nasulimos thai i suferința?

Sostar mechel o Del o nasulimos thai i suferința?

1. Sar începosardea o nasulimos?

O Del meclea le manușen te guvernin-pe destul timpo caște sicadiol că ci daștin te rezolvin le probleme la lumeache

O nasulimos începosardea pi phuv cana o Satan phendea o iechto hohaimos. Mai anglal, cadava sas iech îngero perfecto, cai „ci așilo zuralo ando ciacimos” (Ioan 8:44). Vo camnea te andol lesche i închinarea cai meriti-la numai o Del. O Satan hohadea la Eva, i iechto jiuvli, cherindoi-la te ascultil lestar, na le Devlestar. O Adam lea-pe pala peschi rromni thai ci mai ascultisardea-l Devlestar. Cadai buchi andea suferința thai merimos. — Citisar Geneza 3:1-6, 19.

Cherindoi la Eva te na ascultil le Devlestar, o Satan cherdi-lo o șăro la răzvrătireaco contra la suveranitateachi le Creatoroschi, sau lesche dreptosco te guvernil. O mai but andal manuș șiute-pe de-i rig le Satanoschi, necamnindoi le Devles sar Conducătorii. Cadea, o Satan arăzlo o „conducătorii la lumeaco”. — Citisar Ioan 14:30; 1 Ioan 5:19.

2. Sas vroch defecto la creația le Devleschi?

Sea so cherdea o Del sas perfecto. Anda codoia, le manuș thai vi le îngeri daștinas te ascultin perfecto le Devlestar (O Deuteronomo 32:4, 5). Vo cherdea-me la libertateaia te alosaras te cheras mișto sau nasul. Cadai libertatea del-ame i posibilitatea te sicaoas amari iubirea caring o Del. — Citisar Iacov 1:13-15; 1 Ioan 5:3.

3. Sostar meclea o Del i suferința ji acana?

O Iehova meclea anda-ch timpo i răzvrătirea contra lesca suveranitateachi. Sostar? Pentru că vo camnea te dichiol-pe că orisavi conducerea bi le Devlesco ci anel miștimos (Eclesiasto 7:29; 8:9). Le 6 000 bărș cai nachle sicaven  claro cadai buchi. Le conducători la lumeache ci daisarde te cheren te na mai aven războaia, mundarimata, neciacimata ori nasfalimata. — Citisar Ieremia 10:23; Romani 9:17.

I guvernarea le Devleschi nai sar i conducerea la lumeachi, voi va anela binecuvântări colenghe cai alon-la (Isaia 48:17, 18). Pa hanțî timpo, o Iehova Del va distrugila sea-l guvernea le manușenghe. Pi phuv va așena numai codola cai alon i conducerea le Devleschi (Isaia11:9). — Citisar Daniel 2:44.

4. Ce posibilitatea del-tu i răbdarea le Devleschi?

O Satan phendea că niciech manuș ci va slujila le Devles iubireaia ciaci. Cames te sicaves i tu că si iech hohaimos so phendea vo? Daștis! I răbdarea le Devleschi del-ame i posibilitatea soavrăn te sicaoas so alosaras, i guvernarea le Devleschi ori i guvernarea le manușeschi. Sar? Prin so cheras andi viața. — Citisar Iov 1:8-12; Le Proverbe 27:11.

5. Sar sicaves că alos i guvernarea le Devleschi?

So alosaras sicavel cana camoas sau nici i guvernarea le Devleschi

Sicaves că alos i guvernarea le Devleschi cana încăres i închinarea ciaci, cadea sar phenel i Biblia, Lesco Cuvânto (Ioan 4:23). Cadea sar o Isus, na hamisao-tu andi politica thai andel războaia caște sicaves că ci cames i guvernarea-l Satanoschi. — Citisar Ioan 17:14.

O Satan influențil le manușen te cheren buchia nasul thai imoralo. Cana ci cheres cadal buchia, chichiva anda che amala sau anda che neamuri daștil-pe te prasan-tu sau chiar te cheren chi viața mai phari (1 Petru 4:3, 4). So va aloia te cheres? Va rodeia te aves ande-ch than codolența cai iubin le Devles? Va încăreia lesche legi, cai sicaven înțelepciunea thai iubirea? Te va chereia cadea, va sicaveia că o Satan hohadea cana phendea că chonic ci va ascultila le Devles cana del pharimatandar. — Citisar 1 Corinteni 6:9, 10; 15:33.

I iubirea le Devleschi andal manuș si i garanția că o nasulimos thai i suferința ci va mai avena. Con sicaven că pachian ande cadal buchia va bucurina-pe viațatar veșnico pi phuv. — Citisar Ioan 3:16.