Huti le conținutoste

Huti coa duito menio

Huti le cuprinsoste

Le Martori le Iehovasche

Rromani (România)

I vestea lași le Devlestar

 I Lecția 13

So va întâmplola-pe le religiența?

So va întâmplola-pe le religiența?

1. Si lași orsavi religia?

Ande sea-l religii si manuș ciace. I vestea lași si că o Del dichel cadal manușen thai camel lengo miștimos. Si bezăh că but buchia nasul sas cherde ando anav la religiaco (2 Corinteni 4:3, 4; 11:13-15). Cadea sar phenen le știri andai lumea, unele religii hamisai-le ando terorismo, bare mundarimata, războaia thai andel abuzuri pal șiave. Sea cadala duchaven but le manușen ciace cai pachian ando Del! — Citisar Matei 24:3-5, 11, 12.

I închinarea ciaci anel pativ le Devlesche. Tha, i religia neciaci holeare-les, pentru că sicavel buchia cai nai-le baza biblico, sar avelas sicaimata hohamne andoa Del thai andai starea-l mulenghi. Tha o Iehova camel ca le manuș te prinjianen o ciacimos anda leste. — Citisar Ezechiel 18:4; 1 Timotei 2:3-5.

2. So va întâmplola-pe le religiența?

O ciacimos si că o Del ci mechel-pe athado le religiiendar cai phenen că iubin-les, tha von iubin i lumea-l Satanoschi (Iacov 4:4). O Cuvânto le Devlesco phenel că sea-l religii neciace ande-ch than bușion „o Baro Babilono”. O Babilono sas o foro andal puraimata catar încăsti i religia neciaci paloa Potopo andal ghiesa-l Noesche. Pa hanțî timpo, cana ci va ajucărdona, o Del va distrugila le religiien cai athaven le manușen thai cheren phari lenghi viața. — Citisar Revelația 17:1, 2, 5, 16, 17; 18:8.

O Iehova ci bâstrăl le manușen ciace cai sile răspime andel religii neciace pa sea-i phuv. Vo încalavel cadalen andai religia neciaci sicaindoi-le o ciacimos. — Citisar Mica 4:2, 5.

 3. So trebul te cheren le manuș ciace?

I religia ciaci anel le manușen ande-ch than

Le Iehovas siles grija le manușendar cai iubin o ciacimos thai camen te cheren so si mișto. Vo phenel-lenghe te înclen andai religia neciaci. Le manuș cai iubin le Devles camen te paruven peschi viața caște aven-lesche plăcuto. — Citisar Revelația 18:4.

Ando iechto secolo, le manuș ciace cai așunde i vestea lași le apostolendar primisarde-la bucuriaia. Von sichile catoa Iehova iech nevo modo viațaco, cai andea-lenghe mai but fericirea, iech scopo andi viața thai iech speranța. Sa cadea, von sile iech lașio exemplo anda-mende aghies, pentru că von parude peschi viața cana așunde i vestea lași thai șiute le Iehovas po iechto than ande lenghi viața. — Citisar 1 Tesaloniceni 1:8, 9; 2:13.

O Iehova primi-le bucuriaia ande peschi familia închinătorenghi codolen cai înclen andai religia neciaci. Cana primis leschi invitația pherdi iubirea, va daștia te aves lesco amalo, va daștia te cheres partea andai familia iubitorii lesche slujitorenghi thai va avela-tu viața veșnico. — Citisar Marcu 10:29, 30; 2 Corinteni 6:17, 18.

4. Sar va anela o Del bucuria soavră manușenghe?

Cât de sugo, o Del va anela crisate i religia neciaci. Cadaia si iech vestea lași. Cadea, le manuș va avena hastrame asuprireatar. I religia neciaci ci va mai athavela le manușen thai ci va mai răspila-le pe mai but riga. Sea-l manuș va avena phangle andi închinarea andini le corcoro ciace Devlesche. — Citisar Revelația 18:20, 21; 21:3, 4.