Huti le conținutoste

Huti coa duito menio

Huti le cuprinsoste

Le Martori le Iehovasche

Rromani (România)

I vestea lași le Devlestar

 I Lecția 11

Sar daștin te ajutin-ame le principii la Bibliache?

Sar daștin te ajutin-ame le principii la Bibliache?

1. Sostar same nevoia te auas îndrumime?

Sar ajutin-ame le principii la Bibliache te las sama mai anglal soste cheras? (O PSALMO 36:9)

Amaro Creatorii silo but mai înțelepto sar amende. Cadea sar iech dad iubitorii, vo îngrijol-pe amendar. Mai but, o Del ci cherdea-me te traisaras bi lesco (Ieremia 10:23). Cadea sar le șiaven sile nevoia te îndrumin-le lenghe dada, sa cadea fiesave manușes siles nevoia te îndrumi-les o Del (Isaia 48:17, 18). Le principii biblico den-ame îndrumarea thai sile ciaces iech daro le Devlestar. — Citisar 2 Timotei 3:16.

Le Iehovasche legi thai principii sicaven-amenghe savo si o mai lașio modo viațaco aghies thai sar daștil te avel-ame binecuvântări veșnico ando viitorii. Pentru că o Del cherdea-me, si normalo te cheras bucuriaia so phenel-amenghe vo. — Citisar o Psalmo 19:7, 11; Revelația 4:11.

2. So si le principii cai arachas-le andi Biblia?

Le principii biblico si ciacimata de bază, cai ajutin ande mai but situații andai viața. Tha le legi aplichin-pe numai ande chichiva situații (O Deuteronomo 22:8). Caște hachiaras sar aplichil-pe amenghe iech principio, trebul te folosisaras amari goghi (Le Proverbe 2:10-12). Sar exemplo, i Biblia phenel că i viața si iech daro le Devlestar. Cadoa principio de bază daștil te îndrumil-ame cana sam la buchiate, chăre sau cana tilaras dromeste. Cana încăras conto lestar, va laia sama mai anglal soste cheras. — Citisar Le Fapte 17:28.

3. Save si o mai bare dui principii?

O Isus dea duma anda o mai bare dui principii. O iechto  sicavel o scopo sostar sas cherdo o manuș: te prinjianel le Devles, te iubi-les thai te sluji-lesche fidelo. Cadal principiostar trebul te încăras conto de fiesavi data cana alosaras so te cheras (Le Proverbe 3:6). Codola cai train pala leste arăsăn amala le Devlesche, sile ciaces fericime thai va avela-le viața veșnico. — Citisar Matei 22:36-38.

O duito principio phendo catoa Isus ajutil-ame te bucurisaoas-ame paceatar le manușența (1 Corinteni 13:4-7). Cana încăras conto lestar, imitisaras o modo sar o Del phiradiol le manușența. — Citisar Matei 7:12; 22:39, 40.

4. Sar daștin te ajutin-ame le principii biblico?

Le principii biblico ajutin soavră jenen andai familia te sicaven iubirea iech caring aver, caște aven phangle (Coloseni 3:12-14). Ando Cuvânto le Devlesco si iech principio cai arachăl la familia: o phanglimos la căsătoriaco trebul te avel anda sea-i viața. — Citisar Geneza 2:24.

Cana încăras le principii andai Biblia, va aven-ame miștimata materialo thai afectivo. Sar exemplo, codola cai angajon camen butivar te cheren buchi manușența cai încăren le principii biblico, manuș cai ci athaven thai sile vreanici (Le Proverbe 10:4, 26; Evrei 13:18). Sa cadea, o Cuvânto le Devlesco sicavel-ame te auas mulțumime le buchianța cai trebun-ame thai te încăras mai but te auas amala le Devlesche sar te aven-ame buchia materialo. — Citisar Matei 6:24, 25, 33; 1 Timotei 6:8-10.

Cana încăras le legi thai le principii biblico si te avel-ame sastimos (Le Proverbe 14:30; 22:24, 25). Sar exemplo, cana încăras i legea le Devleschi cai condamnil o machiarimos, sam arachle nasfalimatandar thai accidentendar cai daștin te șion amari viața ando pericolo (Le Proverbe 23:20). O Iehova mechel-ame te peas pimos, tha te na nachauas i măsura (o Psalmo 104:15; 1 Corinteni 6:10). Le principii divino ajutin-ame pentru că sicaven-ame te auas atento na numai soste cheras, tha vi sar gândisaras (o Psalmo 119:97-100). Le ciace creștini încăren le norme le Devlesche na numai că sile miștimata cana cheren cadea, tha pentru că von camen te anen pativ le Iehovasche. — Citisar Matei 5:14-16.

 

RODE MAI BUT

MANG IECH STUDIO BIBLICO

Mang iech studio biblico

Oferisaras lecţii biblico gratuime la orate thai ando than cai cames tu.