Huti le conținutoste

Huti coa duito menio

Huti le cuprinsoste

Le Martori le Iehovasche

Rromani (România)

I vestea lași le Devlestar

 I Lecția 10

Sar daștis te jianes savi si i închinarea ciaci?

Sar daștis te jianes savi si i închinarea ciaci?

1. Si numai iech corcoro religia ciaci?

„Arachăn-tume le profețendar neciace” (MATEI 7:15).

O Isus sicadea pesche discipolen numai iech corcoro religia, i religia ciaci. Vo phendea că sili sar iech rig cai îngărel viațate veșnico. Anda cadai rig, o Isus phendea: „Hanțî si codola cai arachen-la” (Matei 7:14). O Del aprobil numai i închinarea bazome pe lesco Cuvânto, i Biblia. Sea-l închinători ciace sile phangle ande iech corcoro pachiamos. — Citisar Ioan 4:23, 24; 14:6; Efeseni 4:4, 5.

2. So phendea o Isus andal creștini neciace?

„Von phenen anglal manuș că prinjianen le Devles, tha șiuden-pe lestar prin soste cheren” (TIT 1:16).

O Isus phendea mai anglal că va înclena profeți neciace cai va banghearena o ciacimos. Von amean le ciace creștinența thai phenen că lenghe changherea sile creștino. Tha te dicheia-tu mai mișto des chi sama că athaven. Le calități thai sar train peschi viața sicaven con si codola cai încăren i închinarea ciaci. — Citisar Matei 7:13-23.

3. Sar daștis te jianes save si le creștini ciace?

Te dichas panji buchia:

  • Respectin i Biblia thai pachian că sili o Cuvânto-l Devlesco. Von cheren sea so daștin te train pala le principii biblico. I religia ciaci nai sar le coaver religii cai bazon-pe pe-l sicaimata le manușenghe (Matei 15:7-9). Le închinători ciace cheren ande fiesavo ghies so sicaven avren. — Citisar Ioan 17:17; 2 Timotei 3:16, 17.

  •   Den pativ le anaves le Devlesco, Iehova. O Isus dea pativ le anaves le Devlesco cherindoi-les prinjiando le manușenghe. Vo ajutisardea-le te prinjianen le Devles thai sicadea-le te rughin-pe te avel sfințome Lesco anav, Iehova (Matei 6:9). Ando than cai trais, savi religia cherel prinjiando o anav le Devlesco? — Citisar Ioan 17:26; Romani 10:13, 14.

  • Den duma averenghe andoa Thagarimos le Devlesco. O Iehova bișealdea-l Isusos te predichil i vestea lași andoa Thagarimos, i corcoro speranța le manușenghi. O Isus dea duma andoa Thagarimos ji ando ghies cana mulo (Luca 4:43; 8:1; 23:42, 43). Vo phendea că lesche discipoli va predichina anda cadoa Thagarimos. Te delas-tuche duma choniva andoa Thagarimos le Devlesco, anda savi religia pachiaias că cherel partea? — Citisar Matei 24:14.

  • Ci cheren partea anda cadai lumea nasul. Von ci hamim-pe andi politica sau andel conflictea-l manușenghe (Ioan 17:16; 18:36). Sa cadea, von ci len-pe pala-l nasulimata la lumeache thai nici ci phiradon sar late. — Citisar Iacov 4:4.

  • Sile iech iubirea cai dichiol-pe iech caring aver. Von sichion andoa Cuvânto le Devlesco că trebun te respectin sea-l manușen, orisavi etnia avela-le. Butivar, i religia neciaci sprijinisardea but le războaia mașcar le thema. Tha le ciace creștini ci cheren cadai buchi (Mica 4:1-3). Mai but, von folosin pesco timpo thai so sile caște ajutin thai te zuriaren avren bi te ajucheren vroiși parpale. — Citisar Ioan 13:34, 35; 1 Ioan 4:20.

4. Daștis te prinjianes i religia ciaci?

Savi religia bazol sea pesche sicaimata po Cuvânto le Devlesco, del pativ le anaves le Devlesco thai predichil o Thagarimos le Devlesco sar i corcoro speranța le manușenghi? Savi si i religia cai lache manuș sicaven iubirea thai ci sprijinin o război? — Citisar 1 Ioan 3:10-12.