Huti le conținutoste

Huti coa duito menio

Huti le cuprinsoste

Le Martori le Iehovasche

Rromani (România)

I vestea lași le Devlestar

 I Lecția 15

Sostar trebul te sichios mai but

Sostar trebul te sichios mai but

1. Ce miștimata va avela-tu te continuiia te studiis i Biblia?

So dichleam ji acana andal sicaimata de bază la Bibliache, siguro ajutisarde-tu te iubis mai but le Iehovas. Tha cadai iubirea trebul te cheres-la te bariol ghies pala ghieseste (1 Petru 2:2). Va daștila te avel-tu viața veșnico numai cana continuis te pașos le Devlestar studiindoi lesco Cuvânto. — Citisar Ioan 17:3; Iuda 21.

Chichi va bariola mai but chio prinjianimos andoa Del, cadicheia chio pachiamos va avela mai zuralo thai va ajutila-tu te aves-lesche plăcuto (Evrei 11:1, 6). Cadoa pachiamos va cherela-tu te căis-tu, adică te fal-tu nasul che bezăhăndar, thai te cheres sea so daștis te paruves chi viața. — Citisar Le Fapte 3:19.

2. Sar daștil te ajutil i avren chio prinjianimos andoa Del?

Daștil te avel-tu iech relația specialo le Iehovaia

Soavrăn placeal-ame te phenas avrenghe iech vestea lași. Siguro i tu va cameia te phenes avrenghe so sichilean. Chichi va jiaia mai angle ando studio la Bibliaco, va sichioia sar te sicaves le coaverenghe andi Biblia sostar pachias ando Iehova thai andi vestea lași. — Citisar Romani 10:13, 15.

Daștis mai anglal te phenes i vestea lași chia familiache sau che amalenghe. Tha trebul te avel-tu grija. Sar te phenes că lenghi religia nai lași, mai sugo de-lenghe duma andal promisiuni le Devlesche. Sa cadea, na bâstăr, că butivar arăsăs lenghe ileste mai sugo soia cheres sar soia phenes. — Citisar 2 Timotei 2:24, 25.

3. Chichi de pașă daștis te aves le Devlestar?

Cana studiis o Cuvânto le Devlesco, va barioia spiritualo thai, cadea, va bucuria-tu iecha relațiatar specialo le Iehovaia.  Daștis te arăsăs te cheres partea anda leschi familia. — Citisar 2 Corinteni 6:18.

4. So daștis te cheres caște barios spiritualo?

Jia mai angle ando studio la Bibliaco! (Evrei 5:13, 14) Rughisar ieche Martoros le Iehovasco te studiil i Biblia tuia andoa lil Ce ne învață în realitate Biblia?. Chichi va sichioia mai but andoa Cuvânto le Devlesco, cadicheia va avela-tu iech viața mai lași. — Citisar Le Psalmi 1:1-3; 73:27, 28.

I vestea lași avel catoa Iehova, o fericime Del. Daștis te pașos le Devlestar cana pașos lesche poporostar (Evrei 10:24, 25). Cana cheres sea so daștis caște aves plăcuto le Iehovasche, va daștia te bucuris-tu la viațatar veșnico, i ciaci viața. Cadea că, cea mai lași buchi cai daștis te cheres-la si te pașos le Devlestar! — Citisar 1 Timotei 1:11; 6:19.