Huti le conținutoste

Huti coa duito menio

Huti le cuprinsoste

Le Martori le Iehovasche

Rromani (România)

I vestea lași le Devlestar

 I Lecția 12

Sar daștis te pașos le Devlestar?

Sar daștis te pașos le Devlestar?

1. Așunel o Del sea-l rugăciuni?

O Del acharel orsao felo manușengo te pașon lestar andi rugăciunea (o Psalmo 65:2). Tha vo ci așunel, sau ci aprobil, sea-l rugăciuni. Sar exemplo, le rugăciuni ieche rromesche cai phiradol nasul pesca rromniaia daștin te aven „neașunde” (1 Petru 3:7). Sa cadea, cana le israeliți cherde mai butivar so sas nasul, o Del ci camnea te mai așunel lenghe rugăciuni. Anda codoia, das amari sama că i rugăciunea si iech bari favoarea. Totuși, o Del așunel i le rugăciuni colenghe cai cherde bezăha bare, cana căin-pe. — Citisar Isaia 1:15; 55:7.

2. Sar trebul te rughisaoas-ame?

I rugăciunea cherel partea anda amari închinarea. Cadea că, trebul te rughisaoas-ame numai le Iehovasche, amaro Creatorii (Matei 4:10; 6:9). Tha, pentru că sam bezăhale, trebul te rughisaoas-ame ando anav le Isusosco, pentru că vo mulo anda amare bezăha (Ioan 14:6). O Iehova camel te rughisaoas-ame andoa ilo, na te phenas iech pala aver rugăciuni scriime sau sicade mai anglal. — Citisar Matei 6:7; Filipeni 4:6, 7.

Amaro Creatorii așunel vi le rugăciuni cai sile phende ando gândo (1 Samuel 1:12, 13). Vo acharel-ame te rughisaoas oricana, sar exemplo cana ușteas thai cana jias te souas, cana has sau das pharimatandar. — Citisar o Psalmo 55:22; Matei 15:36.

3. Sostar întrunin-pe le ciace creștini?

Daștil te avel-amenghe pharo te pașoas le Devlestar, pentru că traisaras mașcar le manuș cai ci pachian ando Del thai len ando asaimos leschi promisiunea că va anela  i pacea pi phuv (2 Timotei 3:1, 4; 2 Petru 3:3, 13). Anda codoia, trebul te maladoas amare colaboratorența ando pachiamos pentru că same nevoia te zuriaren-ame, thai len sile nevoia amendar. — Citisar Evrei 10:24, 25.

O malaimos codolența cai iubin le Devles ajutil-ame te pașoas lestar. Le Martorenghe le Iehovasche întruniri si o than cai zuriarel, pentru că fiesavo daștil te dichel o pachiamos le coaverengo. — Citisar Romani 1:11, 12.

4. Sar daștis te pașos le Devlestar?

Cana meditos soste sichios andai Biblia, daștis te pașos catoa Iehova. Cadea că, gândisao-tu but soste cherdea, le sfaturende thai ca lesche promisiuni! I meditarea cherdi ande-ch than la rugăciuneaia bariarel chi aprecierea andai înțelepciunea thai iubirea le Devleschi. — Citisar Iosua 1:8; o Psalmo 1:1-3.

Daștis te pașos le Devlestar numai cana situ pachiamos ande leste thai pachias ande soste phenel vo. Tha o pachiamos si sar iech ființa jiuvindi cai trebul hrănime. Cadea că, zurear chio pachiamos soavră timpo anindoi-tuche amintea pe soste bazol-pe chio pachiamos. — Citisar Matei 4:4; Evrei 11:1, 6.

5. Ce miștimata situ cana pașos le Devlestar?

O Iehova phiravel grija colenghe cai iubin-les. Vo arachă-le orisostar daștil te rimol lengo pachiamos thai lenghi speranța andi viața veșnico (o Psalmo 91:1, 2, 7-10). O Del phenel-amenghe mai anglal te durioas orsave modostar viațaco cai daștil te cherel te hasaras amaro sastimos thai fericirea. O Iehova sicavel-amenghe savo si o mai lașio modo viațaco! — Citisar o Psalmo 73:27, 28; Iacov 4:4, 8.