Huti le conținutoste

Huti coa duito menio

Huti le cuprinsoste

Le Martori le Iehovasche

Rromani (România)

Ascultisar le Devlestar thai va traiia veşnico

 I LECȚIA 5

Con ascultisardias le Devlestar thai con ci ascultisardias cana avilo o Potopo?

Con ascultisardias le Devlestar thai con ci ascultisardias cana avilo o Potopo?

Majoritatea le manuşenghi ando timpo le Noiasco cherenas buchia nasul. (Geneza 6:5)

Le Adamos thai la Eva sas len şave, thai arăzle te aven but manuşa pi phuv. Pala iech timpo, nişte îngeria împotrivisaile le Devlesche thai nachle de rig le Satanoschi.

Von avile pi phuv, cherdile sar le manuş thai line penghe romnia. Lenghe romnia cherde şave cai sas mai bare vi mai zurale de-l manuş. Von cherenas but jungalimata.

I phuv pherdili manuşendar cai cherenas nasulimata. I Biblia phenel că „o nasulimos le manuşengo sas cadichi de baro că lenghe gânduria thai lengo ilo sas numai te cheren nasul”.

 O Noe ascultisardea le Devlestar thai cherdea iech arca. (Geneza 6:13, 14, 18, 19, 22)

O Noe sas iech laşo manuş. O Iehova phendea lesche că va distrugila le manuşen nasul ando Potopo.

O Del mai phendea lesche, te cherel iech arca thai te anel ande late pesca familia vi animaluria anda sea specii.

O Noe phendea le manuşenghe că va avela o Potopo, tha von ci ascultisarde, asaine lestar thai prasade les.

Cana termenisardea i arca, o Noe andeas le animalurea ande late.