Huti le conținutoste

Huti coa duito menio

Le Martori le Iehovasche

Rromani (România)

Va șiola-pe șăro vrochdata la suferințache?

Va șiola-pe șăro vrochdata la suferințache?

Pheneias . . .

  • da?

  • ci?

  • daștil-pe?

 SO PHENEL I BIBLIA:

„O Del . . . va chosela sea asfa anda lenghe iacha. Thai o merimos ci va mai avela. Ci va mai avela ci roimos, ci țâpimos, nici duch.” (Apocalipsa 21:3, 4, Cornilescu, 1996, limba română)

SAR AJUTIL-TU TE JIANES CADAIA:

Jianas siguro că na o Del anel-amenghe le necazuri (Iacov 1:13)

Anel-amenghe mangâierea te jianas că o Del hachiarel so si ande amaro ilo cana sam duchade (Zaharia 2:8)

Same i speranța că va șiola-pe șăro la suferințache (o Psalmo 37:9-11)

 DAISARAS TE PACHIAS ANDI BIBLIA?

Da, si but motivea, acana phenas dui:

  • O Del urâl i suferința thai o neciacimos. Gândisao-tu so sâmțosardea o Iehova Del cana lesche poporoia andal timpuri biblico aver phiradi-le nasulimaia. Andi Biblia phendol-pe că o Del sas duchado datorime codolenghe cai cherde viața phari lesche poporosche (Judecători 2:18).

    O Del silo holiardo but datorime colenghe cai cheren nasul avrenghe. Sar exemplo, i Biblia phenel că lesche iacha ci suportin „le vast cai șioren rat nedoșalo” (Le Proverbe 6:16, 17).

  • O Del interesil-pe fiesavestar anda-mende. Na numai fiesavo manuș „jianel peschi rana thai duch”, tha vi o Iehova jiane-le! (2 Cronici 6:29, 30)

    Pa hanțî timpo, prin pesco Thagarimos o Iehova va șiola șăro la suferințache fiesave manușeschi (Matei 6:9, 10). Ji atunci, vo de-le iubireaia mângâierea codolen cai roden-les ciace ileia (Le Fapte 17:27; 2 Corinteni 1:3, 4).

 GÂNDISAO-TU:

Sostar mechel o Del i suferința?

I Biblia răspunzol cadal pușimaste ando ROMANI 5:12 thai ando 2 PETRU 3:9.

RODE MAI BUT

I VESTEA LAȘI LE DEVLESTAR

Sostar mechel o Del o nasulimos thai i suferința?

Sar începosardea o nasulimos thai sostar meclea o Del i suferința ji acana? Va șiola-pe șăro vrochdata la suferințache?