Huti le conținutoste

Huti coa duito menio

Le Martori le Iehovasche

Rromani (România)

So si o Thagarimos le Devlesco?

So si o Thagarimos le Devlesco?

Pheneias că si . . .

  • vroiși cai si ande amaro ilo?

  • iech paramici?

  • iech raimos cerisco?

 SO PHENEL I BIBLIA:

„O Del le cerurengo va vazdela iech thagarimos cai ci va avela distrugime.” (Daniel 2:44, Cornilescu, 1996, limba română)

„Iech Șiav sas-amenghe dino thai o raimos va avela pe Lesco dumo.” (Isaia 9:6)

SAR AJUTIL-TU TE JIANES CADAIA:

  • Va avela iech raimos cerisco ciacio cai va anela-tuche miștimata. (Isaia 48:17, 18)

  • Va avela-tu iech viața fericime thai iech sastimos perfecto ande-ch lumea nevi cai va avela pa hanțî timpo. (Apocalipsa 21:3, 4)

 DAISARAS TE PACHIAS ANDI BIBLIA?

Da, si but motivea, acana phenas dui:

  • O Isus sicadea so va cherela o Thagarimos le Devlesco. O Isus sicadea pesche discipolen te rughin-pe andoa avimos le Thagarimasco-l Devlesco thai ca i voia le Devleschi te cherdiol-pe pi phuv (Matei 6:9, 10). O Isus sicadea sar va împlinola-pe cadai rugăciunea.

    Cana sas pi phuv, o Isus dea te han le bochalen, cherdea mișto le nasfalen thai jiuvindisardea mule (Matei 15:29-38; Ioan 11:38-44). O Isus, sar viitorii Rai le Thagarimasco-l Devlesco, sicadea so avelas te cherel cadoa Thagarimos anda lesche supuși (Apocalipsa 11:15).

  • I situația andai lumea sicavel claro că o Thagarimos le Devlesco va avela cât de sugo. O Isus profețâsardea că, ji cai o Thagarimos te anel i pacea pi phuv, le manuș pa-i phuv va avena dine dab războaiendar, bochandar thai izdraimatandar phuveache (Matei 24:3, 7).

    Cadal buchia întâmplon-pe aghies. Cadea că, daisaras te auas siguro că o Thagarimos le Devlesco va șiola șăro cât de sugo sea-l duchenghe.

 GÂNDISAO-TU:

Sar va avela i viața teloa Thagarimos le Devlesco?

I Biblia răspunzol cadal pușimaste ando PSALMO 37:29 thai ando ISAIA 65:21-23.