Huti le conținutoste

Huti coa duito menio

Le Martori le Iehovasche

Rromani (România)

So pachias andai Biblia?

So pachias andai Biblia?

Pheneias că si . . .

  • iech lil le gândurența-l manușenghe?

  • iech lil paramicianța?

  • o Cuvânto le Devlesco?

 SO PHENEL I BIBLIA:

„Sea-i Scriptura sili inspirime le Devlestar.” (2 Timotei 3:16, Traducerea lumii noi)

SAR AJUTIL-TU TE JIANES CADAIA:

Răspunsuri claro le bare pușimatande la viațache (Le Proverbe 2:1-5)

Îndrumarea lași andai viața de fiesavo ghies (o Psalmo 119:105)

Iech speranța ciaci andoa viitorii (Romani 15:4)

 DAISARAS TE PACHIAS ANDI BIBLIA?

Da, si but motivea, acana phenas trin:

  • Ci contrazicil-pe niciechdata. I Biblia sas scriime cam 40 murșendar, ande 1 600 bărș. O mai but anda lende ci maladi-le niciechdata iech avreia. Cu sea cadala, von ci contrazicisai-le niciechdata thai la Biblia sila iech corcoro tema.

  • Phenel ciacimata istorico. Butivar le istorici ci mai scriin cana lenghe thema hasaren le marimata. Tha le scriitori la Bibliache scriisarde ciacimaia cadichi anda lenghe greșeli, chichi vi anda lenghe themesche (2 Cronici 36:15, 16; o Psalmo 51:1-4).

  • Lache profeții si ciace. I Biblia phendea cam 200 bărșănța mai anglal ji cai te întâmplol-pe că o purano foro Babilono va avela distrugime (Isaia 13:17-22). Voi phendea na numai sar sas te avel perado o Babilono, tha i o anav codolesco cai avelas te perave-les! (Isaia 45:1-3)

    Andi Biblia mai si scriime but profeții cai pherdi-le ji ande o mai țâne buchia. Nai normalo te ajucărdoas cadala buchiate le Cuvântostar le Devlesco? (2 Petru 1:21)

 GÂNDISAO-TU:

Sar daștil te ajutil-tu o Cuvânto le Devlesco te avel-tu iech viața mai lași?

I Biblia răspunzol cadal pușimaste ando ISAIA 48:17, 18 thai ando 2 TIMOTEI 3:16, 17.

RODE MAI BUT

I VESTEA LAȘI LE DEVLESTAR

Si i vestea lași ciaces le Devlestar?

Sostar daștis te aves siguro că i Biblia avel le Devlestar?