Huti le conținutoste

Huti coa duito menio

Le Martori le Iehovasche

Rromani (România)

Cameias te prinjianes o ciacimos?

Cameias te prinjianes o ciacimos?

O CIACIMOS? Da, o ciacimos ca o mai bare puşimata cai le manuş şion pesco-le. Daştil-pe că vi tu puşlean-tu:

  • Mai gândil-pe o Del amende?

  • Va nachena vrochdata le războaia thai le ducha?

  • So întâmplol-pe amenţa cana meras?

  • Mai si vroch speranţa andal mule?

  • Sar te rughi-ma ca o Del te aşunel mânră rugăciuni?

  • Sar te arachav i fericirea?

Cai rodeias răspunso cada-l puşimatande? Aghies si but lila cai phenen că den-ame le răspunsuri, tha butivar contrazicin-pe. Tha i cana nişte sfaturi amean laşe, pala-ch timpo nachadeon thai sile parude.

Tha si iech lil cai del sfaturi laşe thai i ciace. Iechdata, cana o Isus rughisailo le Devlesche phendea: „Chio cuvânto si o ciacimos” (Ioan 17:17). Aghies jianas, că i Biblia si cadoa Cuvânto. Ande-l pagini cai urmin va daştia te diches ce răspunsuri claro thai ciace del i Biblia cada-l puşimatande.

 Mai gândil-pe o Del amende?

SOSTAR PUŞAS–AME CADAIA: Traisaras ande-ch lumea pherdi jungalimos thai neciacimos. Chichiva religii sicaven că le ducha aven le Devlestar.

SO SICAVEL I BIBLIA: O Del ci cherel nasulimos. Ando Iov 34:10 citisaras: „Dur le ciace Devlestar te cherel so si nasul thai le O Mai Zuralestar te cherel so nai ciacio!”. O scopo le Devlesco anda-l manuş sicavel iubirea. Anda codoia o Isus sicadea-me te rughisaoas: „Amaro Dad cai san ando cerii, te . . . avel chio thagarimos. Te cherdol-pe chi voia, cadea sar ando cerii i pi phuv” (Matei 6:9, 10). O Del gândil-pe amende cadichi de but, că vo cherdea sea so si posibilo ca lesco scopo te avel ciacio (Ioan 3:16).

(Dich vi i Geneza 1:26-28; Iacov 1:13 thai 1 Petru 5:6, 7.)

Va nachena vrochdata le războaia thai le ducha?

SOSTAR PUŞAS-AME CADAIA: Le războaia len but vieţi manuşenghe. Niciiech anda-mende nai ferime duchendar.

SO SICAVEL I BIBLIA: O Del phendea că va avela iech timpo cana vo va anela i pacea pe sea-i phuv. Tela lesco thagarimos, le manuş „ci va mai sichiona o război”, tha „anda lenghe săbii va cherena pluguri” (Isaia 2:4). O Del va şiola şăro le neciacimasche thai sea-l duchenghe. I Biblia promitil: „[O Del] va chosela sea asfa anda lenghe iacha thai i moartea ci va mai avela. Ci roimos, ci necazo thai nici duch ci va mai avena. Sea buchia cai sas [le ducha thai le neciacimata de aghies] nachle” (Revelaţia 21:3, 4).

(Dich vi le Psalmii 37:10, 11; 46:9 thai Mica 4:1-4.)

So întâmplol-pe amenţa cana meras?

SOSTAR PUŞAS-AME CADAIA: O mai but religii la lumeache phenen că, o manuş cana merel, vroişi anda leste continuil te trail. Aver phenen că le mule daştin te cheren nasul le jiuvindenghe ori că o Del pedepsil le nasulen thai thabare-le ando iado.

SO SICAVEL I BIBLIA: Cana merel, o manuş ci mai existil. O Eclesiasto 9:5 phenel: „Le mule ci mai jianen chanci”. Pentru că le mule ci jianen chanci, ci mai simţon chanci, anda codoia ci daştin te cheren ci nasulimos ci miştimos le jiuvindenghe (Psalmo 146:3, 4).

(Dich vi i Geneza 3:19 thai Eclesiasto 9:6, 10.)

 Mai si vroch speranţa andal mule?

SOSTAR PUŞAS-AME CADAIA: Soavre camoas te traisaras thai te bucurisaoas-ame viaţatar paşa codola cai iubisaras-le. Si naturalo te camoas te dichas-le pale jiuvinde amare mulen.

SO SICAVEL I BIBLIA: O mai but andal manuş cai mule va avena jiuvindime. O Isus promitisardea că „codola andal mormintea la amintireache . . . va înclena avri” (Ioan 5:28, 29). Cadea sar camnea o Del mai anglal, le manuş jiuvindime va traina ando paradiso pi phuv (Luca 23:43). Cana va împlinila-pe cadai promisiunea sea-l manuş cai ascultin va avelale iech sastimos perfecto thai viaţa veşnico. I Biblia phenel: „Le ciace va moştenina i phuv thai va traina pe late sea o timpo” (Psalmo 37:29).

(Dich vi o Iov 14:14, 15; Luca 7:11-17 thai Faptele 24:15.)

Sar te rughi-ma ca o Del te aşunel mânră rugăciuni?

SOSTAR PUŞAS-AME CADAIA: Le manuş anda sea-l religii rughin-pe. Totuşi, but pachian că nai aşunde lenghe rugăciuni.

SO SICAVEL I BIBLIA: O Isus sicadea sar te rughisaoas-ame. Vo phendea: „Cana rughin-tume, te na phenen sa codol buchia de fiesavi data” (Matei 6:7). Ca amare rugăciuni te aven aşunde le Devlestar, trebul te rughisaoas-ame cadea sar vo camel. Trebul te sichioas savi si i voia le Devleschi thai pala codoia te rughisaoas-ame sar placial les. O 1 Ioan 5:14 phenel: „Orso mangaia pala leschi voia [le Devleschi], Vo aşunel-ame”.

(Dich vi o Psalmo 65:2; Ioan 14:6, 14 thai 1 Ioan 3:22.)

Sar te arachav i fericirea?

SOSTAR PUŞAS-AME CADAIA: But manuş pachian că le love, o barvalimos thai o şucarimos anen lenghe fericirea. Von naşen pala cadal buchia, tha sa nai fericime.

SO SICAVEL I BIBLIA: O Isus sicadea sar arachadol i fericirea cana phendea: „Fericime sile codola cai den peschi sama că sile necesităţi spiritualo” (Matei 5:3). I ciaci fericirea arachasla numai cana prinjianas o ciacimos andoa Del thai lesco scopo cai siles amenţa. Cadoa ciacimos arachadol andi Biblia. Cana prinjianas cadoa ciacimos das amari sama so si ori so nai ciaces importanto. Te mecaia ca o ciacimos biblico te cherel buchi ande amende, va avel-ame iech viaţa pherdi fericirea (Luca 11:28).

(Dich vi Proverbele 3:5, 6, 13-18 thai 1 Timotei 6:9, 10.)

 Ji acana deam duma hanţî andal răspunsuri cai dele i Biblia cada-l şove puşimatande. Cameias te jianes mai but? Cana cheres partea anda codola cai „den peschi sama că sile necesităţi spiritualo”, va cameia. Poate că şiutean-tuche vi aver puşimata, sar avelas: Cana o Del gândil-pe amende, sostar meclea cadichi de but nasulimata thai ducha pi phuv, cadichi timpo? Sar daştil te avelma iech viaţa familiachi mai laşi? I Biblia del-ame răspunsuri ciace cada-l puşimatande thai vi averende.

Aghies si but manuş cai ci camen te studiin i Biblia. Von phenen că si iech lil prea baro thai pharo hachiarimasco. Cameias te aves ajutime te araches le răspunsuri cai dele i Biblia? Le Martori le Iehovasche oferin tuche dui posibilităţi.

Iech si i broşura I vestea laşi le Devlestar. Cadai broşura sili cherdi caşte ajutil codolen cai si ocupime te arachen le răspunsuri claro cai dele i Biblia o mai bare puşimatande la viaţache. I coaver si iech programo gratuime cai te studiis i Biblia tute chere. Iech Martoro le Iehovasco pregătime daştil te avel tute chăre sau ande aver than, iechvar po curco, caşte del duma tuia andai Biblia. Milioanea manuşenghe anda sea-i lumea ţârde miştimata anda cadoa programo. But dine peschi sama că arachle o ciacimos.

Nai chanci mai valoroso sar te araches o ciacimos! O ciacimos andai Biblia hastravel-ame superstiţiiendar, andai confuzia thai la daratar jiungali. Del-ame speranţa, iech scopo andi viaţa thai bucuria. O Isus phendea: „Va prinjianena o ciacimos thai o ciacimos va hastravela-tume” (Ioan 8:32).

RODE MAI BUT

MANG IECH STUDIO BIBLICO

Sostar te studiis i Biblia?

I Biblia del răspunsuri le bare puşimatande la viaţache anda milioanea manuşenghe pa sea-i phuv. Cames te araches-le vi tu?