Xha ki përmbajtja

Xha ki dujto menuja

Xha ki tabela e përmbajtjes

O Dëshmitarja e Jehovaesqe

rome (shqipëri)

O Llaçho haberi katar o Devell!

 O SIKLOIPE 3

A avella me çaçe katar o Devell o llaçho haberi?

A avella me çaçe katar o Devell o llaçho haberi?

1. Kon qerdas i Bibla?

O llaçho haberi se o manusha ka jetonen çdofora ki phuv isi andre ki Bibla. (Psalmi 37:29) Ki Bibla isi 66 libre po tikne. O Devell qerdas kaj 40 mursha te shkrujnenas lla. O panxh seftune libre shkrojndas len o Moisiu 3.500 bersha po angllall. O libri i fundit shkrojndas les o apostulli Gjon 1.900 bersha po angllall. Ama kasqe llafja shkrojnde akalla xhene ki Bibla? O Devell vaqerdas lengje katar i fryma e shenjtë se so te shkrojnenas ot’he. (2 Samuelit 23:2) Odole shkrojnde e Devlesqe llafja, na pire. Akhall, i Bibla qerdili katar o Jehovai.Dikh ko 2 Timoteut 3:16; 2 Pjetrit 1:20, 21.

2. Sar te xhanas kaj i Bibla isi me xherxhek katar o Devell?

Xhanasa kaj i Bibla isi katar o Devell se sare llaqe llafja niklistile me çaçe. Asjekh manush nashtin qerella akia. (Josiu 23:14) Kokori o zorano Devell mund te vaqerell po angllall se so ka ovell.Dikh ko Isaia 42:9; 46:10.

Jekh libri kaj avella katar o Devell manglollapes te ovell but llaçho hem ma te ovell asjekh sar leste. Akhall isi i Bibla. Isi milionja Bible but çhibende. Ili sosqe qerdili but bersha po angllall, kana vaqerella çhumunja shkencore oj isi e saktë. Hem o 40 mursha kaj shkrojnde lla isine sare jekh godjate. * I Bibla sikavella amengje so but mangjella amen o Jehovai. Po akhall, oj isi lla zoranipe kaj te llaçharell i jeta e manushengji. Akale çhumunendar but manusha besonena kaj i Bibla isi o Llafi e Devlesko.Dikh ko 1 Selanikasve 2:13.

 3. Sosqe vaqerella i Bibla?

I Bibla vaqerella jekh llaçhe haberesqe. Se o Devell ka anell llaçhe divesa e manushengje. Oj sikavella se sar nashli e seftune manushesqe i mundësia kaj te jetonellas ki parajsa hem sar ka qerdjoll palem i phuv parajsa.Dikh ki Zbulesa 21:4, 5.

Ko Llafi e Devlesko isi ligjja, parimja hem godjavera llafja. Llate dikhasa sar isi o Devell—hem sar xhallas ov e manushencar. Akhall, i Bibla ndihmonella amen te pinxharasa e Devles. Oj sikavella amengje hem sar te ovas malla lesar.Dikh ko Psalmi 19:7, 11; Jakovi 2:23; 4:8.

4. Sar te haves i Bibla?

Akia broshura ka ndihmonell tut sar te kuptones i Bibla. Ka siklos sar sikadas o Jezui e manushen. Ov lellas jekh po jekh o shkrimja e Biblaqe hem sikavellas «o kuptimi e Shkrimengo».Dikh ko Luka 24:27, 45.

O llaçho haberi katar o Devell isi o po llaçho haberi. Palem, but xhene mërzindovena hem na mangjena te shunen les. Ama tu ma cide vast. Tu ka jetones çdofora po te siklos po but e Devlesqe.Dikh ko Gjoni 17:3.

 

^ o par. 3 Dikh i broshura Një libër për të gjithë njerëzit.