Xha ki përmbajtja

Xha ki dujto menuja

O Dëshmitarja e Jehovaesqe

rome (shqipëri)

Sar ka aven o divesa?

Sar ka aven o divesa?

Amari dynjaja ka ovell . . .

  • sar akana?

  • po billaçhi?

  • po llaçhi?

 SO PHENELLA O LLAFI E DEVLESKO

«O Devell . . . ka kusell o asvja lengje jaqhendar. Na ka ovell asjekhora meripe, dukhaipe hem rojpe. O purane çhumunja nashle.»—Zbulesa 21:3, 4. O Përkthimi Nevi Dynjaja.

SO ANELLA TUQE AKIA

Jekh buti kaj della bahtalipe hem llaçhipe.Isaia 65:21-23.

Na ka ovell asjekhora nasvalipe hem dukhaipe.Isaia 25:8; 33:24.

Ka oves sofora xhivindo hem bahtallo sare tire manushencar.Psalmi 37:11, 29.

 SAR TE XHANES KAJ KA QERDJOLL O LLAFI E DEVLESKO?

Dikh sosqe:

  • O Devell isi les zoranipe te qerell so phenella. Lesqe Llafeste, kokorik o Devell Jehova havdjolla «o po Zorano». (Zbulesa 15:3) Ov isi but zorano te qerell amari dynjaja po llaçhi. Sar phenella lesko Llafi, «e Devlesqe sare o çhumunja qerdiona».—Mateu 19:26.

  • O Devell mangjella but te qerell so phenella. O Jehovai mangjella but te diqhell palem e mulen hem te vazdell len ko xhivindipe.Jobi 14:14, 15.

Lesko Llafi sikavella kaj o Jezui, e Devlesko Çhavo, sastiardas e nasvalen. Sosqe qerdas akhall? Se ov mangjellas e manushen, sar piro Dad o Jehovai. (Marku 1:40, 41) Ole so duj mangjena te qeren llaçhipe amengje.Gjoni 14:9.

Akhall, te xhanas kaj o Jehovai hem o Jezui mangjena te anen bahtale divesa!Psalmi 72:12-14; 145:16; 2 Pjetrit 3:9.

 SAR PHENESA TU?

Sar ka qerell o Devell amari dynjaja po llaçhi?

Rode ko Llafi e Devlesko ko MATEU 6:9, 10 hem ko DANIELI 2:44.