SOSE TANO ODOVA VAŽNO: Buten manušen kas resa ki služba, on rodena o čačipe ando Devel (Is 55:6). Te šaj hari pohari te sikavaljen valjani but puča te dža koro oljende. Sebepi so o manuša isiljen razna pharipa, našti te napredujinen sare isto. Odoljese amen valjani te promina odova sar ka vačera o čačipe andi Biblija, te šaj oljendže te ovel najšukar. Ama, amen ka ova but pošukar ki služba ako spreminamen hem ako svako puti ked džaja koro oljende isimen cilj te počmina biblijako kurs.

SAR TE ČERE ODOVA:

  • De tutar sa te irinetu so posigate, šaj palo nekobor dive (Mt 13:19).

  • Ov ljubazno hem mothov poštovanje. Ov opušteno.

  • Viljestar pozdravinlje. Vičinlje ko nav. Vačer oljese sose aljan — šaj aljan te odgovorine ko oljeso pučibe, te de o neve časopisija, te mothove amari internet stranica, te muke disavo film ja te mothove sar te sikljol andi Biblija. Ov spremno te vačere andi tema koja ov mangela te vačeri (Fi 2:4).

  • Vadin o seme ando čačipe kova tano sijimo ko oljeso vilo, adžahar so ka čitine jekh stih kotar Biblija hem šaj te ačhave disavi publikacija (1Ko 3:6). De tutar sa te ove popaše oljeja.

  • Vačer so ka ave palje.