Da lji disavo puti hineče pharo te vačere ando šukar haberi? But amendar ka phenen po ko akava pučibe. Šaj sose o manuša ko amaro tereni na mangena te šunen, protivinenape ja amen dara te vačera džikasa kas na džana. Asavke buča šaj te čeren te našala amaro bahtaljipe. Ama, amen služina e Devljese kova tano bahtalo hem ov mangela amen te služina oljese bahtalje viljeja (Ps 100:2; 1Ti 1:11). Kola trin šukar razlogija isimen te ova bahtalje dži vačera o šukar haberi?

Jekhto, amen vačera o haberi andi nada. Iako o manuša avdije našaldže pi nada amen šaj palje te resa dži ko manušengo vilo, adžahar so ka vačera o šukar haberi so jekh dive ka ovel diso pošukar (Is 52:7). O šukar haberi ando Devljeso Kraljevstvo čerela hem amen te ova bahtalje. Angljeder te dža te vačera o šukar haberi, amen valjani hor te razmislina ando berečetija kola e Devljeso Kraljevstvo ka anel ki Phuv.

Dujto, o šukar haberi kova amen vačera čerela e manušen te oven telesno hem duhovno pošukar. On sikljona te ačhaven o lošna tabijatija hem te oveljen nada ko večno dživdipe (Is 48:17, 18; Ri 1:16). Amari buti tani sar ked o spasioci rodena te spasinen e manušen. Čak ako disave manuša na mangena te oven spasime, amen hem ponodri ka roda okoljen kola odova mangena (Mt 10:11-14).

Trito hem najvažno, ked amen vačera ando šukar haberi odova anela čast e Jehovase. Ov but cenini odova so amen vačera ando šukar haberi (Is 43:10; Jev 6:10). Sebepi soj tano phravde vasteso Ov delamen poklo sveti duh te šaj te čera odija buti. Odoljese moljin e Jehova te oveltu bahtaljipe kova tano plod ando sveto duho (Ga 5:22). Odoljeja amen šaj te nakha sa o pharipa hem te vačera bizo dar (Čer 4:31). Bilo sar o manuša te reagujinen ko amaro tereni, amen ka ova bahtalje ko amaro zadatko te vačera ando šukar haberi (Ezk 3:3).

Savo raspored bi mangeja te oveltu ki služba? Sar šaj te mothove bahtaljipe?

DIKH O FILM PONOVO STECI RADOST PUTEM PROUČAVANJA I DUBOKOG RAZMIŠLJANJA HEM PALO ODOVA ODGOVORIN KO AKALA PUČIBA:

  • Sose amen valjani te čhiva ko prvo than amaro proučavanje, čak hem ako svako masek hijam but vakti ki služba?

  • Ko so amen valjani te ova sar i Meri?

  • Ked tu arakheja vakti hor te razmisline ando Devljeso Lafi?

  • Savo bahtaljipe isitu ked vačereja ando šukar haberi?