Жа ко съдържание

Жа ко подменю

Йеховаскере Свидетеля

романи (България)

Кой наистина управлинел о светос?

Кой наистина управлинел о светос?

Мислинес ли кай си...

  • о Дел?

  • о мануша?

  • декхой авер?

 СО ПХЕНЕЛ И БИБЛИЯ

„О Бенг управлинел о цело светос.“ (1 Йоан 5:19)

„Е Девлескоро чшаво ало ... за те унищожинел е бенгескере букя.“ (1 Йоан 3:8, „Превод на новия век“ на английски)

СО ОЗНАЧИНЕЛ ДАВКХА ТУКЕ

Ка ахальовес соске андо светос иси зомкха бут проблемя. (Откровение 12:12)

Ка ахальовес соске ащи те верувинес кай о светос ка оправинел пес. (1 Йоан 2:17)

 НАИСТИНА ЛИ АЩИ ТЕ ВЕРУВИНАС ДАЛКХЕСТЕ СО ПХЕНЕЛ И БИБЛИЯ?

Ва, поради поне трин причинес:

  • Е Бенгескоро управление си осъдиме. О Йехова си решиме те премахнинел е Бенгескоро управление. Ов обещинел те „унищожинел ... е Бенгес“ като възстановинел напълно и вреда която о Сатана кергяс е манушенге. (Евреи 2:14, „Превод на новия свят“ дасиканес)

  • О Дел избирингяс о Исус Христос те управлинел о светос. О Исус си напълно различно таро сегашно светоскоро владетели, ковато си жестоко тай егоистично. Като иси лес предвид е Исусескоро царско управление, о Дел обещинел: „Ка съжалинел е незначителнонес тай е чорес ... Ка откупинел лен таро потисничество тай таро насилие.“ (Псалм 72:13, 14)

  • О Дел нащи те хохавел. И Библия ясно пхенел: „Е Девлеске си невъзможно те хохавел.“ (Евреи 6:18) Кана о Йехова обещинел те керел варесо, все едно кай вече си кердо! (Исаия 55:10, 11) „Далкхе светоскоро владетели ка овел изгониме.“ (Йоан 12:31)

 ПОМИСЛИНЕ ТУКЕ

Сар ка овел о светос кана лескоро владетели ка овел премахниме?

И Библия отговоринел далкхе въпросиесте андо ПСАЛМ 37:10, 11 тай ОТКРОВЕНИЕ 21:3, 4.

СИКЛЬОВ ПО–БУТ

ЛАЧШИ НОВИНА ТАРО ДЕЛ!

Саво си е Девлескоро намерение е пхувяке?

И Библия обяснинел соске о Дел създингяс и пхув, кана ка свършинен о страдания тай саво ка овел о бъдеще е пхувяке тай е манушенге.