Жа ко съдържание

Жа ко подменю

Жа косъдържание

Йеховаскере Свидетеля

романи (България)

Сикав те чшавен

 11 УРОКИ

Он пишинде е Исусеске

Он пишинде е Исусеске

Дикхес ли е манушен ки картина? — Он си о Матей, о Марко, о Лука, о Йоан, о Петър, о Яков, о Юда тай о Павел. Саворе он живинде анде Исусескоро време тай пишинде леске. Нека те ахальовас по–бут ленге.

Со жанес калке манушенге?

Трин лендар уле апостоля колато проповединенас е Исусеса. Жанес ли кола уле он? — О Матей, о Йоан тай о Петър. О Матей тай о Йоан пенжаренас е Исусес бут лачшес тай секо йекх лендар  пишингяс лил е Исусескере животоске. О апостол Йоан пишингяс също йекх лил ковато пхенел пес Откровение, тай панда трин лила — о Йекхто, о Дуйто тай о Тринто Йоанескоро лил. О апостол Петър пишингяс дуй лила. Он си о Йекхто тай о Дуйто Петрескоро лил. Андо дуйто лил, о Петър пишингяс сар йекхвар о Йехова хоратингяс таро небес тай пхенгяс со мислинел е Исусеске: „Кавка си мо любимо чшаво, колес одобринав.“

О авер–да мануша ки картина пишинде лила, колендар ащи те сикльовас е Исусеске тай колато си част тари Библия. Йекх лендар си о Марко. Ов вероятно дикхляс сар арестувинен е Исусес. Авер писатели си о Лука. Ов уло лекари тай вероятно ачшило християнин палал е Исусескере меримнасте.

Дуй таро библейска писателя колато дикхес ки картина, уле по–цикне Исусескере пхрала. Жанес ли ленгере алава? — Яков тай Юда. Андо начало он на верувиненас андо Исус. Дори мислиненас кай си денило. Ама по–късно поверувинде лесте тай ачшиле християня.

О последно писатели ки картина си о Павел. Англал те ачшол християнин, пхенелас пес Савел. Ов мразинелас е християниен тай уло бут кханило ленца. Жанес ли со традингяс лес те ачшол християнин? — Йекхвар бискай о Павел жалас андо Дамаск, изведнъж шунгяс декхас те хоратинел леске таро небес. Давкха уло о Исус! Ов пучляс е Павлес соске си зомкха кханило околенца колато верувинен лесте. Палал далкхесте о Павел променисайло тай ачшило християнин. Ов пишингяс 14 таре Библиякере лила — таро Римляни жи ко Евреи.

Секо диес четинас и Библия, нали? — Като четинас и Библия, сикльовас бут букя е Исусеске. Ту мангес ли те жанес по–бут е Исусеске? —

ЧЕТИНЕ ТЕРЕ БИБЛИЯТЕ

  • 2 Петър 1:16–18

  • Марко 3:21; 14:51

  • Юда 1

  • Деяния 9:1–18