Жа ко съдържание

Жа ко подменю

Жа косъдържание

Йеховаскере Свидетеля

романи (България)

Сикав те чшавен

 12 УРОКИ

Е Павлескоро племенники уло бидаравно

Е Павлескоро племенники уло бидаравно

Нека те хоратинас йекхе терне мрушеске, ковато спасингяс пе какоскоро животос. Лескоро какос уло о апостол Павел. На жанас сар пхенелас пес о терно мруш ама жанас кай ов постъпингяс бут смело. Мангес ли те ахальовес со кергяс? —

О Павел уло андо пханлибе андо Йерусалим. Пханле лес соскето проповединелас е Исусеске. Десаве кханиле мануша мразиненас е Павлес, адалкхеске замислинде те мударен лес. Ка мангенас таре войскакоро командири те ингалел е Павлес андо съдос. Ка гаравенас пес жи ко дром тай кана о Павел накхелас, ка мударенас лес.

Е Павлескоро племенники пхенгяс пе какоске тай е командириеске саво уло о кханило плани

Е Павлескоро племенники шунгяс далкхеске. Со ка керелас? Гело андо пханлибе тай пхенгяс е Павлеске со шунгяс. О Павел пхенгяс леске веднага те хоратинел е войскакере командириеса. Мислинес ли кай уло лесно е Павлескере племенникеске те керел давкха? — На уло лесно, соскето о командири уло важно мануш. Ама е Павлескоро племенники уло бидаравно тай гело те хоратинел леса.

О командири жанелас со требинел те керел. Кидингяс декхате 500 войникен те пазинен е Павлес, тай пхенгяс ленге те ингален лес анди Кесаря и също рат. Дали о Павел уло спасиме? — Ва, о кханиле мануша нащине те нападнинен лес! Ленгоро кханило плани провалисайло.

Со сикльовес далкхе разказиестар? — Ту–да ащи те овес бидаравно сар е Павлескере племенникесте. Требинел те овас бидаравне кана хоратинас е манушенца е Йеховаске. Ту ка овес ли бидаравно тай ка продължинес ли те хоратинес е Йеховаске? — Ако керес давкха, ащи те спасинес десаве манушескоро животос.

ЧЕТИНЕ ТЕРЕ БИБЛИЯТЕ

  • Деяния 23:12–24

  • Матей 24:14; 28:18–20

  • 1 Тимотей 4:16