Жа ко съдържание

Жа ко подменю

Жа косъдържание

Йеховаскере Свидетеля

романи (България)

Сикав те чшавен

 8 УРОКИ

Е Йосияс уло лачше амала

Е Йосияс уло лачше амала

Мислинес ли кай си трудно те керас со си правилно? — По–бут таро мануша мислинен чука. И Библия хоратинел йекхе чшавеске, ковато пхенелас пес Йосия. Леске уло бут трудно те керел со си правилно. Ама лес уло лачше амала, колато помагиненас леске. Нека те ахальовас по–бут е Йосияске тай лескере амаленге.

Е Йосияскоро дад уло о Амон, йекх тхагар анди Юда. Ов уло бут кханило тай поклонинелас пес идолиенге. Кана о Амон муло, о Йосия ачшило тхагар анди Юда. Ама ов уло само охто брешенгоро! Мислинес ли кай ов уло кханило сар пе дадесте? — На уло!

О Софония предупрединелас е манушен те на поклонинен пес идолиенге

Въпреки кай уло бут цикно, о Йосия мангелас те овел послушно е Йеховаске. Адалкхеске избиринелас амаленге само манушен колато дехен е Йеховас. Тай он помагиненас леске те керел со си правилно. Кола уле десаве далкхе амалендар?

Йекх лендар уло о Софония. Ов уло пророки тай предупрединелас е манушен  анди Юда, кай ако поклонинен пес идолиенге, ка случинен пес ленге кханиле букя. О Йосия шунелас е Софонияс тай поклонинелас пес е Йеховаске, а ма идолиенге.

Авер таре Йосияскере амала уло о Йеремия. О дуй амала уле декхате йекхе брешенде тай бариле анди също област. Он уле зомкха лачше амала, кай кана о Йосия муло, о Йеремия пишингяс йекх гили далкхеске кизом бут липсвинелас леске. О Йеремия тай о Йосия помагиненас песке за те керен со си правилно тай те овен послушна е Йеховаске.

О Йосия тай о Йеремия помагиненас песке, за те керен со си правилно

Со сикльовес таре Йосияскоро примери? — Въпреки кай уло бут цикно, о Йосия мангелас те керел со си правилно. Ов жанелас кай требинел те избиринел песке амаленге, само манушен колато дехен е Йеховас. Ту–да избирине амален колато дехен е Йеховас тай колато ка помагинен туке те керес со си правилно!

ЧЕТИНЕ ТЕРЕ БИБЛИЯТЕ

  • 2 Летописи 33:21–25; 34:1, 2; 35:25