Жа ко съдържание

Жа ко подменю

Жа косъдържание

Йеховаскере Свидетеля

романи (България)

Лачши новина таро Дел!

 1 УРОКИ

Сави си и лачши новина?

Сави си и лачши новина?

1. Сави си и лачши новина таро Дел?

О Дел мангел о мануша те живинен щастливо ки пхув. Ов създингяс и пхув тай всичко со си лате, соскето дехел амен. Сиго ов ка осигуринел по–лачшо бъдеще саворенге ки пхув. О Дел ка премахнинел о причинес е страданиенге. Четине Йеремия 29:11.

Нисаво правителство нащине те премахнинел о насилие, о насвалипе тай о мериба. Ама иси лачши новина. Сиго о Дел ка премахнинел саворе манушикане правителства тай ка тховел поро управление. Тогава е манушен ка овел мири тай састипе. Четине Исаия 25:8; 33:24; Даниил 2:44.

2. Соске и лачши новина си зомкха важно авдиес?

О страдания ка свършинен само кана о Дел ка унищожинел е кханиле манушен. (Софония 2:3) Кана ка ачшол давкха? Е Девлескоро Слово предскажингяс о кханиле условия, колато иси андо светос авдиес. Далкха условия сикавен, кай панда хари тай о Дел ка действинел. Четине 2 Тимотей 3:1–5.

3. Со требинел те керас?

Требинел те сикльовас е Девлеске тари Библия. Ой си сар йекх писмо любещоне дадестар. Латар ахальовас сар те живинас по–лачшес авдиес тай со те керас, за те овел амен вечно животос ки пхув андо бъдеще. Десаве манушенге ащи те на харешинел, кай получинес помощ, за те ахальовес и Библия. Ама и възможност те овел тут по–лачшо бъдеще си бут шукар, за те измукес ла. Четине Притчи 29:25; Откровение 14:6, 7.