Жа ко съдържание

Жа ко подменю

Жа косъдържание

Йеховаскере Свидетеля

романи (България)

Кола мануша керен е Йеховаскери воля авдиес?

 24 УРОКИ

Сар си финансириме амари организация?

Сар си финансириме амари организация?

Непал

Того

Великобритания

Секо бреш амари организация издел тай разпространинел милионя Библиес тай авер издания би паренгоро. Керас тай поддържинас Залес е Тхагарипнаскере тай Бетеля. Хиляди бетелова служителя тай мисионеря си подкрепиме тари организация. Освен далкхесте осигуринас помощ кана ачшон бедствия. Адалкхеске ащи те пучес тут „Сар си финансириме всичко давкха?“.

На лас десятъки тай на накхас те кидас парес. Въпреки кай требинен бут парес амаре проповедноне службаке, аме на молинас паренге. Англал по–бут таро 100 бреш, андо второ издание е списаниеске „Стражева кула“ пхенелас пес, кай разчитинас ки помощ таро Йехова тай ‘нисар нанай те просинас, нито те молинас е манушен те подкрепинен амен’. Тай наистина нисар на кергям давкха! (Матей 10:8)

Амари дейност подкрепинел пес таро доброволна дарения. Бут мануша ценинен амари библейско образователно дейност тай ден дарения лаке. Е Йеховаскере Свидетеля–да лошаляса отделинен пе времестар, пе силендар, пе парендар тай авере букиендар, колато иси лен, за те овел извършиме е Девлескери воля ки цело пхув. (1 Летописи 29:9) Анди Зала е Тхагарипнаскери тай амаре конгресиенде иси кутиес, кате секой, ковато мангел, ащи те мукел дарение. Дарения керен пес чрез о уебсайти-да, jw.org. По–бут таро дарения, колато си получиме си манушендар, колен иси скромна дохогя, сарто и чори вдовица, която о Исус похвалингяс, понеже мукляс дуй лептес анди касичка на съкровищницата андо храми. (Лука 21:1–4) Давкха сикавел, кай секой ащи редовно те „тховел варесо ригате“, „сарто решингяс пе сърцесте“. (1 Коринтяни 16:2; 2 Коринтяни 9:7)

Аме синям убедиме, кай о Йехова ка продължинел те докоснинел о сърцес околенгоро, колато манген те почитинен лес ‘пе ценноне букиенца’ тай те подкрепинен и дейност е Тхагарипнаске, за те овел изпълниме е Девлескери воля. (Притчи 3:9)

  • Сар амари организация различинел пес е авере религиендар?

  • Сар използвинен пес о доброволна дарения?

СИКЛЬОВ ПО–БУТ

ИЗДАНИЯ

Амаре списания

Ухляв о списания „Стражева кула“ тай „Пробудете се!“.