Жа ко съдържание

Жа ко подменю

Жа косъдържание

Йеховаскере Свидетеля

романи (България)

Кола мануша керен е Йеховаскери воля авдиес?

 9 УРОКИ

Сар те подготвинас амен е събраниенге?

Сар те подготвинас амен е събраниенге?

Камбоджа

Украйна

Ако изучинес и Библия е Йеховаскере Свидетеленца, сигурно стараинес тут те подготвинес тут англал секо изучаване. За те овел тут най–бари полза таро събрания, ка овел шукар те керес о също. Ка овел тут най–лачше резултакя ако керес давкха секо дром.

Определине кана тай кате те подготвинес тут. Кана ащи те съсредоточинес тут най–лачшес? Анди явин, англал те жас букяте, или и рат, кана о чшаве пашлиле песке? Дори ако нанай тут бут време те изучинес, определине кизом време ащи те отделинес, за те подготвинес тут тай ма мук нищо те пречинел туке. Роде туке спокойно тхан тай премахнине саворе букя, колато разсеинен тут, като мударес о радио, о телевизори тай о телефони. И молитва англал и подготовка ка помагинел туке те мукес ригате секо йекх безпокойство тай те съсредоточинес тут упрал о Слово е Девлескоро. (Филипяни 4:6, 7)

Подчертине о отговоря тай подготвине тут те участвинес. Най–наангле ахальов за соске ачшол въпроси андо уроки. Размислине упрал о заглавие тари статия или тари глава тай сар о подзаглавия си свържиме леса. Дикх о картинес тай о въпрося, колато подчертинен о главна мислес. Палал далкхесте, четине секо абзаци тай аракх о отговори секоне въпросиеске. Роде тай четине о стиховя, колато си сикавде тай мислине сави си и връзка машкар ленде тай о абзаця. (Деяния 17:11) Кана аракхес о отговори десаве въпросиеске, подчертине основна думес или изразя андо абзаци, колато ка помагинен туке те дес тут годи саво си о отговори. Кана жас ко събрание, ако мангес, ащи те ваздес то вас тай те дес кратко отговори тере думенца.

Като изследвинес о различна темес, колато изучинен пес секо курко ко събрания, ка добавинес неве мислес анди „съкровищница“ с библейско познание, която иси тут. (Матей 13:51, 52)

  • Саве навикя ка помагинен туке те подготвинес тут е събраниенге?

  • Сар ащи те подготвинес тут те дес отговори ко събрание?