Zha mai angle

Zha ka o duito menu

Marturia le Jehovaske

Romanes Kalderash

Shai zhuvindin le manush kai soven ande martia?

Shai zhuvindin le manush kai soven ande martia?

Phenes ke...

  • ... ei?

  • ... nai?

  • ... shai avela?

 E BIBLIA PHENEL

“Si ma o pachamos ando Del [...] ke zhuvindina” (Le Apostolengo 24:15, E Lashi Viasta)

SAR ZHUTIL AMEN TE ZHANAS GADO

Si te avel amen pacha ando Del kana merela varekon kai kamas zurales (Filipiana 4:7).

Chi si te avel amen dar dilivani la martiako (Zhiduvuria 2:15).

Shai azhukeras chachimasa te dikhas pale le zhenen kai kamas ai soven ande martia (Iovano 5:28, 29).

 SI PALA SOSTE TE PAKIAS ANDE BIBLIA?

Ei, si but, akana ferdi phenas trin:

  • O Del si kai del traio. E Vorba le Devleski phenel ke o Jehova ‘del savorhenge o traio’ (Le Apostolengo 17:24, 25; Psalmo 36:9). Te shai dias o traio ka sa so godi si pe Phuv ai po cheri, Vo shai del pale o traio sa godolen manushen kai soven ande martia.

  • O Del zhuvindisardias de but vriama mai palal uni manushen. E Biblia phenel pa 8 manush kai zhuvindisaile ai traisarde pale pe Phuv, sas mursh, zhuvlia, bare ai tsinorhe. Uni manush sas mule tsirha vriama, numa iek mursh sas mulo 4 giesa (Iovano 11:39-44).

  • Le Devles si leske te del pale o traio le mulen. Ka o Jehova nai leske drago e martia, vo dikhel la sar iek duzhmano (1 Korintiana 15:26). Si leske anda o ilo te ankalavel anda e lumia ka godo duzhmano ai si te kerel les mashkar o zhuvindimos. Vo kamel te train pale pe Phuv sa godola kai si ande lesko gindo (Job 14:14, 15).

 GINDI TU

Sostar phuriuvas ai meras?

Rode ande Biblia GÉNESIS 3:17-19 ai ROMANURIA 5:12.

Sikio mai

LE LASHE VIASTI KAI AVEN KATAR O DEL

Che azhukerimos meklias o Del pa godola kai soven ande martia?

So kerdiolpe le manushentsa kana meren? Shai dikhas pale amare niamonen ai amiguria kai soven ande martia?