Zha mai angle

Zha ka o duito menu

Zha kai e lista

Marturia le Jehovaske

Romanes Kalderash

Le lashe viasti kai aven katar o Del

 SICHARIMOS 7

So si e Amperetsia le Devleski?

So si e Amperetsia le Devleski?

1. So si e Amperetsia le Devleski?

Sostar shai phenes ke ferdi maladiol le Jesusoske te amperetsil? (MARKO 1:40-42)

Si iek Amperetsia ando cheri, ke ande tsirha vriama si te peravel sa le amperetsii le manushenge. Ferdi kacha Amperetsia si te amperetsil te shai kerdiol e voia le Devleski pe phuv, sar kerdiol ando cheri. E Amperetsia le Devleski si so trobul sa le manushen ai si te chidel savorhen ande iek fialo gindo. Gadala si lashe viasti, nai? Zhin Daniel 2:44; Mate 6:9, 10, ai 24:14.

Sar ande fersavi amperetsia trobul varekon te shai ingerel le themes. O Del o Jehova thodias peske Shaves o Jesus Kristo, te avel Amperato katar peski Amperetsia. Zhin Sicharimos (Apokalipsos) 11:15.

2. Sostar si o Jesus o mai malado te amperetsil?

O Shau le Devlesko si o mai malado te amperetsil, ke anklel leske anda o ilo te kerel o mishtimos le manushenge ai kerel sa so si vorta (Iovano 1:14). Leste si e putiaria te zhutil le manushen, ai vo si te kerel godo kana amperetsila e Phuv anda o cheri. Kana zhuvindisailo, anklisto opre ando cheri ai kotse azhukerdias pe e rig chachi le Devleski (Zhiduvuria 10:12, 13). Atunchi, o Del dias les e voia te amperetsil. Zhin Luk 1:32, 33.

3. Si te amperetsin aver zhene le Jesusosa?

E Biblia phenel ke le Jesusosa si te amperetsin uni zhene kai si chachimasa le Devlesa. Ando Daniel 7:27 phenel ke von si suntsome. Le anglune manush kai o Del alosardias te aven suntsome sas le apostluria le Jesusoske. De kin godia vriama zhi akana, o Jehova alosarel mursh ai zhuvlia kai pachanpe ande leste te aresen te aven suntsome. Sar o Jesus, gadala  manush kana meren zhan ando cheri ande iek stato dujosko. Zhin Iovano 14:1-3 ai 1 Korintiana 15:50.

Sode manush si te zhan ando cheri? O Jesus phendias ke jantsi manush sas te zhan (Luk 12:32). Le manush kai si te amperetsin e Phuv lesa si te aven 144.000. Zhin Sicharimos (Apokalipsos) 14:1.

4. So nakhlo kana o Jesus kerdilo Amperato?

O Jesus lias e Amperetsia ando o borsh 1914, ai e pervo diela so kerdias sas ke gunisardias le Benges ai leske angelon anda o cheri ai shudias len pe Phuv. O Beng terburisailo ai astardias te anel baiuria la lumiake (Sicharimos [Apokalipsos] 12:7-10, 12). Ai gadia kerdias te avel defial pharo o traio le manushengo. O mundarimos, o izdramos ande Phuv, e bari bokh ai le nasualimata kai si ande lumia sikaven ke so mothol e Biblia kerdiol chacho ai ke sa e Phuv pa tsirha vriama si te avel ande le vas katar Amperetsia le Devleski. Zhin Luk 21:7, 10, 11, 31.

5. So kerel e Amperetsia le Devleski agies, ai so si te kerel mai angle?

Gadala lashe viasti zhan pe sa e phuv te shai chidel e Amperetsia le Devleski iek baro narodo anda sa le thema. Millonuria manush kai si len iek lasho ilo, si te aven skepime kana e Amperetsia le Devleski getosarela la lumiasa chorhi. Gado si te avel godolenge kai pachan o mui le Jesusosko ai thonpe pala leski Amperetsia. Te kamasa te las sa o mishtimos anda so si te kerel kacha Amperetsia, musai te pachas o mui le Jesusosko. Zhin Sicharimos (Apokalipsos) 7:9, 14, 16, 17.

Ande le 1.000 borsh kai si te trais tela godia Amperetsia, si te kerdiol chacho so o Del kamelas le manushenge de mai anglal. E Phuv si te kerdiol iek paraiso. Atunchi, o Jesus si te del pale godia Amperetsia peske Dadeske (1 Korintiana 15:24-26). Sas te plachal tu te phenes varekaske so si te kerel godia Amperetsia? Zhin 2 Petri 3:13.