Zha mai angle

Zha ka o duito menu

Zha kai e lista

Marturia le Jehovaske

Romanes Kalderash

Le lashe viasti kai aven katar o Del

 SICHARIMOS 1

Save lashe viasti si amenge?

Save lashe viasti si amenge?

1. Save viasti si le Devles amenge?

O Del kamel ilesa te avel mishto sa le manushenge ai te aven raduime ande pengo traio. Vo kamel sa le manushen, anda godia kerdias e Phuv ai sa so si pe late. Pa tsirha vriama si te kosel anda e lumia sa so kerel amenge te chinuis, te aven shukar giesa mai angle pe suako rig savorhenge. Zhin Jeremiah 29:11.

Chi iek amperetsia nashtisardias te ankalavel o nasualimos e martia ai te ankalavel sa le dieli nasul sar o mundarimos. Numa nai sa jasardo, si lashe viasti: pe jantsi vriama o Del si te peravel sa le amperetsii le manushenge ai si te anel peski Amperetsia. Le manush kai lenpe pala leski Amperetsia si te aven len pacha ai sastimos. Zhin Sicharimos (Apokalipsos) 11:15; 21:3, 4.

2. Sostar si gadia de bare gadala viasti amenge?

Te na mai avel o chino o Del trobul te kosel pa e lumia sa le manushen bi lashe (Zephaniah [Sofonias] 2:3). Ai kana si te avel gado? E Biblia dias duma pa so dikhas ke nakhel akana ande lumia ai ke sa godo si so anel dukh le manushenge. Gadala dieli kai nakhen, sikaven ke o Del fuga si te lasharel sa gado. Zhin 2 Timote 3:1-5.

3. So trobus te keras?

Trobus te zhinas ai te aliaras e Biblia te shai sichuvas pa o Del, ke leski Vorba si sar iek lil ke iek lasho dat ramol peske shavenge. E Biblia phenel amenge sar shai avas veselime ande gadala giesa ai so trobus te keras te avel amen mai angle o traio kai chi mai getola. Ei chaches, buten zhenenge chi si te avel lenge drago te sikios pa e Biblia. Numa na mek te peravel tu gado, ke sa o lashimos kai si te del tu o Del si desia shukar te na les len. Zhin Mate 5:10-12 ai Sicharimos (Apokalipsos) 14:6, 7.