Zha mai angle

Zha ka o duito menu

Zha kai e lista

Marturia le Jehovaske

Romanes Kalderash

Le lashe viasti kai aven katar o Del

 SICHARIMOS 11

Sar zhutin amen le zakonuria la Bibliake?

Sar zhutin amen le zakonuria la Bibliake?

1. Sostar trobusaras te ningeren amen po lasho drom?

Sar zhutin amen le zakonuria la Bibliake te arakhas amen? (PSALMO 36:9)

O jaraimos amare Dadesko o Jehova kon kerdias amen, si mai baro de sar amaro jaraimos. Vo kamel amen ai si leske pala amende. Chi kerdias amen te trais korkorho, bi lesko (Jeremiah 10:23). Gadia sar le tsinorhe trobusaren te ningeren len penge dada po lasho drom, vi amen trobusaras le Devles te phiras po lasho drom (Isaiah 48:17, 18). O chachimos la Bibliako kai ningerel amen mishto, si iek podarka kai Vo dias amen. Zhin 2 Timote 3:16.

Le zakonuria katar o Jehova sikaven amen sar te trais mishto akana, ai phenen amenge sar shai las mai angle so shinavel amenge o Del, le lashe dieli kai chi mai si te geton. Anda godia, sar Vo kerdias amen azhukerel te avel amenge drago te ningerel amen po lasho drom. Zhin Romanuria 15:4 ai Sicharimos (Apokalipsos) 4:11.

2. Soske zhutil amen o chachimos la Bibliako?

O chachimos la Bibliako zhutil amen te zhanas so trobus te keras ande sa amaro traio. Ai le zakonuria zhutin amen numa ande uni dieli (Le Apostolengo 15:29). Te zhanas sar shai las amen pala iek chachimos la Bibliako kana nakhel vareso, trobus te das amen gogi ande so si te keras (Proverbs 2:10-12). E Biblia sikavel ke o traio si iek podarka kai del amen o Del. Gado baro chachimos la Bibliako shai zhutil amen kana sam ando kher, kana keras buchi, ai vi kana zhas po drom, sostar kerel te das amen gogi ke trobus te arakhas amen. Zhin Le Apostolengo 17:28.

 3. Save si le dui zakonuria mai bare?

O Jesus meklias dui zakonuria. O pervo zakono sikavel soske trais: te prinzharas le Devles, te kamas les ai te luvudis les chachimasa. Trobus te las amen pala godo zakono ande sa le dieli kai alosaras (Proverbs 3:6). Godola kai kerena gadia, si te aven chachimasa le Devlesa ai si te avel len iek veselia chachi ai si te len o traio kai chi mai getol. Zhin Mate 22:36-38.

O duito zakono zhutil amen te trais ande pacha avre manushentsa (1 Korintiana 13:4-7). Te thas ande amaro traio gado zakono si te keras le manushentsa sar kerel o Del. Zhin Mate 7:12 ai 22:39, 40.

4. Sar zhutil amen o chachimos la Bibliako?

O chachimos la Bibliako kerel te avel kamlimos ande familia ai te aven savorhe chidine (Efisiana 4:32; Kolosiana 3:12, 14). Iek kasavestar sicharimos si kai arakhel la familia, ke sikavel ke le ansurime chi trobun te mekhenpe. Zhin Marko 10:7-9.

Te pachas o mui katar o chachimos la Bibliako, godo si te zhutil amen te avel amen sa so trobul te trais mishto. But manush kamen te keren buchi le manushentsa kai ningerenpe pala o chachimos la Bibliako, ke von chi atsaven ai si vorbake (Proverbs 10:4, 26; Zhiduvuria 13:18). Ai e Vorba le Devleski sikavel amen ke shai avas veselime, te avel amen numa so trobul amen ai ke te avas pasha o Del si e diela mai bari de sar le dieli la lumiake. Zhin Mate 6:24, 25, 33 ai 1 Timote 6:8-10.

Gadala zakonuria zhutin amen te shai avas saste; sar o zakono la Bibliako kai del duma pa le macharne. Gado chachimos arakhel amen katar le nasualimata ai uni dieli kai shai keren te jasaras o traio (Proverbs 14:30; 22:24, 25; 23:20). Ei, o Jehova mekel amen te pias pimos, numa mangel te na machuvas, trubul te avel pe musura (Psalmo 104:15; Romanuria 13:13). Le zakonuria le Devleske zhutin amen te las sama sar traisaras, ai vi arakhel amare ginduria (Psalmo 119:97-100). Numa le chache kristianuria chi las amen pala lende ferdi te dikhas amaro mishtimos, keras les te presnais amare Dades, o Jehova. Zhin Mate 5:14-16.

Sikio mai

SIKIO PA E BIBLIA

Mang te zhutis tu te sikios pa e Biblia

Shai avel tu o sikaimos la Bibliako ivia kana tu kamesa ai kai tu kamesa.