Zha mai angle

Zha ka o duito menu

Zha kai e lista

Marturia le Jehovaske

Romanes Kalderash

Le lashe viasti kai aven katar o Del

 SICHARIMOS 9

Sar shai aven veselime le famili?

Sar shai aven veselime le famili?

1. Sostar si bari diela te ansurinpe le manush ando zakono katar o them kai train?

Katar o Jehova aven but lashe viasti. Vo si o Del veselime ai kamel te aven sa le famili veselime (1 Timote 1:11, New World Translation [NW]). Vo kerdias te ansurinpe o mursh ai e zhuvli. Te aven veselime le famili ai te barion le shave mishto sicharde, si bari diela te ansurinpe ando zakono katar o them kai train. Zhin Luk 2:1, 4, 5.

O Del kamel te aven le ansurime ande iek than ai te na mekenpe shojar. Godola kai kamen te pachan o mui le Devlesko trobun te keren so phenel o zakono katar o them kai beshen kana ansurinape. O Jehova mangel te avel chachimasa o rhom peska rhomniasa ai e rhomni peske rhomesa (Zhiduvuria 13:4). Vo vurhitsil, nai leske drago kana le ansurime mekenpe (Malachi [Malaquias] 2:16). Vo ferdi mekel te mekenpe ai te ansurinpe pale avre manushesa, numa te avela ke iek anda lende kerdias kurvia. Zhin Mate 19:3-6, 9.

2. Sar trobun te ningerenpe o rhom ai e rhomni?

O Jehova kerdias le murshes ai la zhuvlia te zhutinpe iek avres ai te keren buchi le dui ketane (Mate 19:4, 5). O rhom si o shero la familiako, vo trobul te sicharel la familia pa o Del ai te anel sa so trobul khere. O rhom trobul te sikavel ke kamel peska rhomia, trobul te del pestar te shai lel sama latar. Le ansurime trobun te kamenpe ai te respektinpe. Ai sar le dui si bezejale, trobun te sichon te iertin iek avres te shai aven veselime. Zhin Efisiana 4:31, 32; 5:22-25, 33, ai 1 Petri 3:7.

3. Trobun te mekenpe le ansurime te avela ke nai veselime?

Te avela ke ka le ansurime si bedi, le dui trobun te thon sa peski zor te sikaven peske kamlimos (1 Korintiana 13:4, 5).  E Vorba le Devleski phenel ke nai vorta te mekenpe te lasharen le bedi kai si len. Zhin 1 Korintiana 7:10-13.

4. So kamel o Del le shavenge?

O Jehova kamel te aven veselime le shave. Pala godia sicharel len sar shai te aven veselime kana si terne. O Del kamel te len o jaraimos penge dadengo ai te len o mishtimos anda sa so zhanen lenge dada pa o traio (Kolosiana 3:20). Ai vi mangel te aliaren e veselia kai si kana keren buchi leske ai leske Shaveske. Zhin Efisiana 6:1, 2; Mate 19:13-15, ai 21:15, 16.

5. Sar zhutin le dada te aven le shave veselime?

Le dada trobun te keren sa so si ande lenge vas te den penge shavenge jabe, kher ai so te den pe peste (1 Timote 5:8). Numa godo chi aresel. Vi trobun te sicharen len te kamen le Devles ai te keren so kerel Vo (Deuteronomy 6:4-7). Le shave keren so keren lenge dada, pala godia te dikhena ke von kamen le Devles si te keren sar lende kana sicharen len anda e Biblia. Kana le shave sichon katar e Vorba le Devleski, godo shai nigeren len te alosaren iek lasho drom te phiren ando traio. Zhin Efisiana 6:4 ai 2 Timote 3:15.

Si lasho le shavenge kana ashunen penge daden ai daia ke phenen lenge vareso shukar ai kana mothon lenge ke keren le dieli mishto. Univar si musai le dadenge te den iek baro sicharimos te vorton len, godo si te ningerel le shaven te train mishto (Proverbs 22:15). Kana le dada vorton le shaven gadia, chi troubun te keren godo defial phares. Zhin Kolosiana 3:21.

Le Maturia le Jehovaske dine but klishki te zhutin le daden ai le daia ai vi le shaven. Gadala klishki mothon so phenel e Biblia. Zhin 2 Timote 3:16.