Zha mai angle

Zha ka o duito menu

Zha kai e lista

Marturia le Jehovaske

Romanes Kalderash

Le lashe viasti kai aven katar o Del

 SICHARIMOS 12

Sar shai pashuvas pasha o Del?

Sar shai pashuvas pasha o Del?

1. Ashunel o Del fersavo rhugimos?

O Del akharel sa le manushen anda sa le thema te ambolden pe karing leste ando rhugimos ai te pashon pasha leste (1 Iovano 5:14). Numa godo chi kamel te phenel ke vo ashunel, vai ke si leske drago sa le rhugimata. E Biblia phenel ke o rhom trobul te respektil peska rhomnia te ashunel o Del lesko rhugimos (1 Petri 3:7). Kana le zhiduvuria kerenas o bi lashimos butivar, o Del chi kamelas te ashunel len. Numa Vo ashunel o rhugimos godolengo kai kerde iek bezej pharo te avela ke keinpe chachimasa. Zhin Isaiah 1:15 ai Le Apostolengo 3:19.

2. Sar trobus te rhugis?

Kana rhugis vi luvudis, pala godo ferdi trobus te rhugis ka o Jehova (Mate 4:10; 6:9). Ai sar sam bezejale, trobus te rhugis ando anau le Jesusosko, ke vo mulo pala amare bezeja (Iovano 14:6). O Jehova chi kamel te aven sa amare rhugimata sa iek fialo vai te aven ramome, kamel te rhugis leske anda o ilo. Zhin Mate 6:7 ai Filipiana 4:6, 7.

Amaro Del, kai kerdias amen, ashunel vi godo rhugimos kai keras ande amaro gindo (1 Samuel 1:12, 13). Ai phenel amenge ke shai rhugis butivar ando gies, kana ushtias, kana zhas te sovas, kana avel o chaso te jas ai kana si amen bedi. Zhin 1 Petri 5:7 ai Mate 15:36.

3. Sar zhutil amen te zhas ka le khangeria?

Traisaras mashkar manush kai chi pachanpe ando Del ai asan kana ashunen ke Vo shinavel ke si te anel pacha pe Phuv. Gado shai peravel amen ai shai ankalavel amendar e zor  kai si amen te pashuvas pasha o Del (2 Timote 3:1, 4; 2 Petri 3:3, 13). Pala godia, trobul te chidas amen godolentsa kai si amentsa ando pachamos te las zor ai te das len zor, ke trobul amen gado. Zhin Zhiduvuria 10:24, 25.

Te avas pasha le manush kai kamen le Devles, si te aliaras amen mai pashe pasha o Del. Kana sam savorhe chidine ande khangeri shai las sama le lashe dieli kai keren le kolaver, gadia shai las amen pala lende. Zhin Romanuria 1:11, 12.

4. Sar shai pashos pasha o Del?

Te desa tu gogi ande so sichiliam pa o Jehova ande Biblia, si te pashos pasha leste. De tu gogi anda sa so kerdias, le lashe vorbi kai del amen ai zhutin amen, ai sa so shinavel amenge. Te das amen gogi anda sa kako ai te rhugisa, si te aliaras mai mishto ke le Devles si les baro jaraimos ai baro kamlimos. Zhin 1 Timote 4:15, 16.

Ferdi shai aves pasha o Del te avela tu pachamos ande leste. Numa ke amaro pachamos si sar varekon kai trail, trobul te jal te na merel. Te na merel amaro pachamos trobus te das amen gogi so ningerel amen te pachas gadia. Zhin Mate 4:4 ai Zhiduvuria 11:1, 6.

5. Save lashe dieli shai las kana pashuvas pasha o Del?

O Jehova lel sama katar godola manush kai kamen les. Vo shai arakhel len katar fersavi diela kai shai kerel te kovliol lengo pachamos ai te na jasaren pengo azhukerimos: o traio kai chi mai si te getol (Psalmo 91:1, 2, 7-10). Ai vi zhutil len te avel len iek traio sasto ai te aven veselime, vi sikavel len sar te train mai mishto. Zhin Iakov 1:25 ai 4:4, 8.

Sikio mai

SIKIO PA E BIBLIA

Sostar trobus te sikios pa e Biblia?

E Biblia zhutil ka millonuria manush pe sa e lumia te arakhen le bare prame kai pushenpe ando traio. Sas te plachal tu te aves iek anda lende?