Zha mai angle

Zha ka o duito menu

Zha kai e lista

Marturia le Jehovaske

Romanes Kalderash

Le lashe viasti kai aven katar o Del

 SICHARIMOS 3

Le lashe viasti katar e Biblia, chaches aven katar o Del?

Le lashe viasti katar e Biblia, chaches aven katar o Del?

1. Kon kerdias e Biblia?

Ande Biblia arakhas iek shukar viasta, ke shai trais pe phuv o traio kai chi mai getolpe (Mate 5:5). E Biblia si kerdi ande 66 klishki tsinorhe, ai o Del alosardias 40 mursh ke sas chachimasa lesa te ramon la. Le 5 anglune klishki ramosardias len o Moises de 3.500 borsh palpale ai e paluni klishka ramosardias la o apostol Iovano de mai but de 1.900 borsh palpale. Le divanuria kai si ande Biblia aven katar o Del, vo ningerelas godolen manushen kai ramosarde e Biblia peske suntone dujosa. (2 Samuel 23:2). Godola mursh ramosarde le ginduria le Devleske ai na penge ginduria. Anda godia, shai motholpe ke o Jehova si kon kerdias e Biblia. Zhin 2 Timote 3:16 ai 2 Petri 1:20, 21.

2. Sostar shai pachas ke e Biblia phenel o chachimos?

E Biblia avel katar o Del. Zhanas pra mishto ke gadia si, ke phenel chachimasa so si te avel mai angle, vareso kai le manush nashtin te keren (Joshua 23:14). Ferdi o Del putiarako shai kerel les. Zhin Titos 1:2, 3.

Te avela ke iek klishka avel katar o Del shai azhukeras ke so mothola si defial baro. Dinepe millonuria Bibli ande mai but de 450 shiba. Makar si phurai del duma chachimasa pa so zhanas katar e Phuv, o cheri, ai sa so si ande lende. Ai aver diela si, ke le 40 mursh kai ramosarde la dine duma sa pa iek gindo. Sa le patria katar e Biblia antrego sikaven o vulimos le Devlesko, ai vi agies si la e putiaria te parhuvel o traio le manushengo. Pala sa gado, millonuria manush zhanen chachimasa ke e Biblia si e Vorba le Devleski. Zhin 1 Thesaloniana 2:13.

 3. So phenel e Biblia?

Sa e Biblia del duma pa iek shukar viasta. Phenel savo si o gindo le Devlesko te kerel le manushenge, vareso defial shukar. Phenel ke ando gor la lumiako o mursh jasardias vareso kai sas defial kuchi: iek shukar traio ando sado kai busholaspe Eden. Ai phenel so si te kerel o Del te avel e lumia pale sar sas ando gor. Zhin Sicharimos (Apokalipsos) 21:4, 5.

Ande Vorba le Devleski si zakonuria ai vorbi kai zhutil amen te avas veselime. Ai vi phenel amenge sar sas o Del le manushentsa, sa godo sikavel amenge sar si o Del. Pala godia e Biblia zhutil amen te prinzharas les. Ai sikavel amen sar shai avas pasha leste. Zhin Romanuria 15:4; Iakov 2:23, ai 4:8.

4. So shai zhutil amen te aliaras e Biblia?

O Jesus sikadias le manushenge uni verseturia katar le Ramomata la Bibliake, ai phenelas so kamenas te mothon godola verseturia te shai aliaren len mishto. Kacha publikasion kerel sa kadia te zhutil amen te aliaras mai mishto so sicharel amen e Biblia. Zhin Luk 24:27, 45.

Zhanas chachimasa ke si te plachal tu but te zhanes mai katar le viasti kai aven katar o Del. Numa uni manushenge godo chi vunuil lenge, ai avrenge perel pharo te ashunen godo divano. Na mek te peraven tu godola manush. Sar phenel e Biblia godola kai sichion pa o Del si te train o traio kai chi mai getol. Zhin Iovano 5:24.